Hadibaia Tauna Badana amo Diba Ita Abia Bukana Ena Henanadai

Hadibaia Tauna Badana amo Diba Ita Abia Bukana Ena Henanadai

Hadibaia Tauna Bukana Stadilaia Dalana

Inai buka umui stadilaia namonamo totona, karoa ta ta ena paragraf badinai namba umui torea. Rau 6 bona 7 ai idia noho paragraf ta ta dekenai namba umui torea danu. Namona be idia makaia paragraf ibounai be nega tamona umui duahia. Bema hegeregere, stadi lalonai karoa ta ta edia dokonai idia noho siri umui duahia.

Kongrigeisen Baibel Stadi ai inai buka umui stadilaia neganai, namona be wiki ta ta ai karoa tamona umui karaia. Hamatamaia herevadia be stadi ginigunana. Inai buka be wiki 49 lalonai do umui stadilaia.

Hamatamaia Herevadia Paragraf 1-5

1. Dahaka dainai taunimanima idia gwau beibi ta ena vara dalana be hoa gauna?

2. Tama sina ese edia natudia be edena bamona idia naridia diba?

3. Dahaka dainai Keristani tama sina ese Baibel amo edia natudia idia hadibaia be namo, to taunimanima edia hereva eiava kastom karadia amo lasi? (Aonega Herevadia 3:5, 6; 14:12; Isaia 30:21)

Paragraf 6-10

4. Tama sina ese edia natudia idia hadibaia neganai, inai buka lalonai idia noho henanadai be edena bamona do idia gaukaralaia bona natudia edia haere amo tama eiava sina be dahaka ia dibaia?

5. Edena dala ai laulau be hadibaia gaudia namodia?

6. Inai buka idia karaia taudia be dahaka idia laloa?

Karoa 1 Paragraf 1-6

1. Iesu be hadibaia tauna dainai dahaka ia karaia diba?

2. Iesu be edena dala ai Natuna namona bona Hadibaia Tauna Badana ai ia lao?

3. Iesu be edena dala ai taunimanima ibounai amo ia idau?

Paragraf 7-11

4. Natudia be edena bamona idia diba Iesu ese idia ia lalokau henia?

5. Dahaka dainai Iesu ese natudia ia hadibaia, bona ena haheitalai amo dahaka ita dibaia?

6. Iesu ia gwau taunimanima badadia be natuna maragina bamona do idia kara be namo, ena hereva ena anina be dahaka?

Paragraf 12-16

7. Iesu be manu bona flaoaflaoa ia herevalaia neganai, ena kamonai taudia dekenai dahaka ia hadibaia?

8. Iesu ena hadibaia hereva ese edena bamona ta ia durua, bena gabu daudau dekenai do ia lao lasi moni gaukara ia karaia totona?

9. Iesu ena Ororo Harorona ese edena bamona ia hahedinaraia iseda mauri lalonai Dirava ita atoa guna be gau badana?

Paragraf 17-21

10. Edena dala ai Iesu ita kamonai henia, bona unai ese dahaka namo do ia havaraia?

11. Dirava ese edena negai Iesu ena hahediba taudia ia hamaoroa Iesu do idia kamonai henia, bona moale korikorina be edena bamona do ita davaria?

Karoa 2 Paragraf 1-7

1. Dahaka dainai Baibel be buka ibounai ia hereaia?

2. Dirava ese edena dala ai Baibel ia torea, bona dahaka dainai ita abia dae momokani Dirava be guba amo hereva ia siaia diba?

Paragraf 8-12

3. Daika ese Baibel ena buka ginigunadia 5 ia torea, bona lagani hida murinai Baibel idia torea haorea?

4. Baibel idia torea taudia haida edia ladana mani oi gwauraia, bona laulau dekenai oi makaia.

5. Baibel idia torea taudia be edena dala ai nega vairai do idia vara gaudia idia diba?

Paragraf 13-18

6. Dahaka dainai Dirava amo ia mai revarevana be taunimanima ibounai ese idia duahia diba?

7. Baibel ese dahaka mai anina bada gaudia ia gwauraia?

8. Edena bamona ita hahedinaraia diba ita aonega momokani bona ita dekenai Dirava ena Hereva be mai anina bada?

Karoa 3 Paragraf 1-10

1. Dirava ese iseda tauanina ia karaia dalana dekenai dahaka oi hoalaia?

2. Dirava ese daika ia karaia guna, bona edena bamona unai ita diba?

3. Dahaka dainai Dirava ese mauri gaudia ia karaia?

4. Dirava be edena dala ai ita dekenai iena lalokau ia hahedinaraia?

Paragraf 11-21

5. Dirava ia noho herevana oi hamomokania totona, edena haheitalai do oi gaukaralaia?

6. Dahaka dainai Dirava ena laulau ta ita karaia lasi be namo?

7. Dirava dekenai iseda tanikiu karana be edena bamona do ita hahedinaraia?

Karoa 4 Paragraf 1-6

1. Dahaka ese ia hahedinaraia ladana be mai anina bada?

2. Dirava ena ladana be daika, bona dahaka dainai ita gaukaralaia be namo?

3. Iesu ese edena dala ai Dirava ena ladana ia gaukaralaia bona ma haida ia hadibaia unai bamona idia karaia totona?

Paragraf 7-14

4. Dirava be edena dala ai Mose dekenai Ena ladana ia hahedinaraia?

5. Iehova be Farao dekenai dahaka ia gwau?

6. Iehova be edena dala ai ena ladana ia hahedinaraia, bona hari edena bamona unai ia karaia?

Paragraf 15-19

7. Baibel lalonai edena siri ese Dirava ena ladana ia hahedinaraia?

8. Edena bamona do oi hahedinaraia Iehova oi lalokau henia?

Karoa 5 Paragraf 1-8

1. Edena dala ai Dirava ena Natuna be tanobada dekenai beibi ta bamona ia vara? (Luka 1:26-38)

2. Iesu bona Maria ese dahaka haheitalai namona idia hahedinaraia, bona edena dala ai idia ita tohotohoa diba?

3. Edena dala ai Iesu ena vara dalana be beibi ibounai edia vara dalana amo ia idau?

Paragraf 9-17

4. Iesu ia vara hanuaboina ai dahaka gaudia idia vara?

5. Iesu be edeseniai ia tubu daekau, bona gabeai dahaka ia karaia dainai Dirava be ia dekenai ia moale? (Salamo 40:6-8)

6. Iesu ena haheitalai amo dahaka gau ma haida ita dibaia?

Karoa 6 Paragraf 1-4

1. Taunimanima momo be dahaka idia ura, bona Iesu ena hahediba taudia ese edena bamona unai lalohadai idia hahedinaraia?

2. Karoa ginigunana ai ita itaia bamona, Iesu be dahaka ia karaia, to unai kara amo ena hahediba taudia be gau ta idia dibaia lasi?

Paragraf 5-11

3. Iesu ena mase be kahirakahira neganai dahaka ia karaia, bona unai amo dahaka ita dibaia?

4. Bema Iesu ena haheitalai ita tohotohoa, unai ese dahaka namo do ia havaraia?

Paragraf 12-17

5. Emu ruma bese taudia be edena dala ai oi hesiai henidia diba?

6. Sikuli gabunai eiava gabu ma haida dekenai edena dala ai taunimanima oi hesiai henia diba?

7. Taunimanima ita hesiai henia to ita idia hanamoa lasi neganai, dahaka dainai idia ita hesiai henia noho be namo?

Karoa 7 Paragraf 1-9

1. Dahaka dainai taunimanima badadia ita kamonai henia be aonega karana?

2. Iesu ena guriguri Luka 22:42 amo dahaka ita dibaia?

3. Dirava ita kamonai henia neganai, dahaka ita hahedinaraia?

Paragraf 10-15

4. Edena dala ai natudia ese Efeso 6:1-3 idia badinaia diba, bona dahaka dainai unai idia karaia be namo?

5. Edena dala ai kamonai karana dainai, idaunegai idia noho taunimanima idia roho mauri?

Paragraf 16-19

6. Hari edena dala ai kamonai karana ese natudia ia gimaia?

7. Taunimanima ibounai be Dirava kamonai henia karana amo dahaka namo idia davaria?

Karoa 8 Paragraf 1-5

1. Daidia ese taunimanima idia hereaia bona edia goada be bada herea?

2. Iesu be tanobada dekenai beibi ta bamona ia vara totona, Dirava be dahaka hoa karana ia karaia?

3. Iesu ese edena dala ai ia hahedinaraia, ia be tanobada dekenai ia do mai lasi neganai, guba dekenai ia noho?

Paragraf 6-11

4. Bema Adamu bona Heva ese Dirava idia kamonai henia, edia nega vaira be do edena bamona?

5. Genese 2:17 amo dahaka mai anina bada gauna ita dibaia?

Paragraf 12-19

6. Dirava ese ia karaia aneru ta ese edena dala ai Heva ia koia?

7. Adamu bona Heva ese Dirava idia gwau-edeede henia dainai dahaka ia vara?

8. Dahaka dainai aneru namona be aneru dikana ai ia lao?

9. Edena dala ai Iesu ita tohotohoa bona ita hamomokania Diabolo be koikoi tauna?

Karoa 9 Paragraf 1-4

1. Taunimanima ese ita idia dibagania neganai, dahaka dainai edia hereva do ita abia dae lasi?

2. Baibel ia gwau Iesu ia bapatiso neganai “guba be ia kehoa,” unai ese dahaka ia hahedinaraia?

Paragraf 5-13

3. Matamanai, Satani ese edena dala ai Iesu ia dibagania, bona Iesu ese edena bamona ia dadaraia?

4. Satani ese edena dala iharuana ai Iesu ia dibagania, bona Iesu be dahaka ia gwau?

5. Iesu ese ia abia hedibagani ihatoina amo dahaka ita dibaia?

Paragraf 14-20

6. Edena dala ai ma haida ese ita do idia dibagania?

7. Edena bamona negadiai kara maorona ita karaia be auka, to dahaka ese ita do ia durua kara maorona ita karaia hanaihanai totona?

Karoa 10 Paragraf 1-6

1. Dahaka dainai aneru ta be Dirava inai henia tauna ai ia lao?

2. Aneru ma haida be dahaka idia karaia, bona dahaka dainai unai be dika?

3. Aneru edia natudia be edena bamona, bona tanobada dekenai idia vara dika dainai Dirava be dahaka ia karaia?

Paragraf 7-11

4. Hari inai negai Satani bona ena demoni be dahaka idia karaia noho, bona edena dala ai ita idia hakaua kerere eiava koia?

5. Aneru dikadia ese natudia idia doria edena bamona kara dikadia idia karaia totona?

Paragraf 12-17

6. Aneru dikadia ese edena bamona kara dikadia idia ura henia, bona taunimanima momo be edeseni amo unai gaudia idia dibaia?

7. Ena be demoni be idia goada momokani, to dahaka dainai ita gari henidia lasi be namo?

Karoa 11 Paragraf 1-11

1. Dahaka dainai ita itaia lasi gaudia ita abidadama henia be namo?

2. Aneru namodia bona aneru dikadia edia sivarai amo dahaka ita dibaia?

3. Aneru be dahaka idia herevalaia, bona dahaka dainai oi abia dae aneru be ita idia laloa bada?

4. Guna Dirava idia lalokau henia taudia be aneru ese edena bamona idia durudia?

Paragraf 12-17

5. Tanobada ai idia noho Dirava ena hesiai taudia durua totona, aneru be dahaka gau namodia momo idia karaia?

6. Dirava ena aneru ese Paulo ia durua dahaka gaukara ia karaia totona?

7. Aneru ese Dirava do idia durua dahaka gaukara badana idia karaia totona?

Karoa 12 Paragraf 1-7

1. Guriguri be dahaka, bona edena bamona ita diba sibona eda guriguri bona taunimanima vairanai idia gwauraia guriguri be maoro?

2. Dahaka dainai guriguri ta murinai “Amen” ita gwauraia be maoro, bona ena anina be dahaka?

3. Hebou dekenai guriguri idia gwauraia neganai, dahaka dainai mai hemataurai ida ita kamonai namonamo, to gabu ma haida ita itaia lasi eiava regerege ita karaia lasi?

4. Nehemia ena guriguri amo dahaka ita dibaia?

Paragraf 8-10

5. Guriguri dekenai dahaka mai anina bada gauna ita laloaboio lasi be namo?

6. Dirava ita guriguri henia neganai, dahaka gau ma haida ita gwauraia diba?

Paragraf 11-17

7. Iesu ese ena murinai idia raka taudia ia hadibaia dahaka mai anina bada gaudia toi idia gurigurilaia totona?

8. Iesu ia gwau dahaka gau ma haida dainai ita guriguri be namo?

Karoa 13 Paragraf 1-7

1. Iesu ena hahediba tauna ai ita lao ena anina be dahaka?

2. Iesu ena hahediba taudia ginigunadia 6 be daidia, bona idia ta ta be dahaka gaukara idia karaia?

3. Edena hahediba taudia foa be edia haoda gaukara dekenai idia giroa lou, to Iesu ese idia ia boiria lou neganai, edena bamona idia kara?

Paragraf 8-12

4. Unai tatau be Iesu ena hahediba taudia ai idia lao murinai, mai edia ura bada ida dahaka idia karaia?

5. Daika ia ura lasi Iesu ena murinai ia raka, bona dahaka dainai?

6. Iesu ese daidia ia abia hidi ena aposetolo 12 ai idia lao totona?

7. Aposetolo 12 amo daika be aposetolo dikana ai ia lao, bona daika ese ena gabu ia abia?

8. Daidia be aposetolo taudia ai idia lao danu?

Paragraf 13-16

9. Edena bamona ita diba hahine taudia be Iesu ena hahediba taudia ai idia lao diba?

10. Iesu ena hahediba tauna korikorina be edena bamona do ia kara, bona edeseniai unai bamona do ia karaia?

Karoa 14 Paragraf 1-5

1. Ita dekenai hebogahisi lasi herevadia idia gwauraia taudia be edena bamona do ita kara henidia?

2. Iesu ia gwau: ‘Nega 70 x 7 iena dika do oi gwauatao,’ unai hereva ena anina be dahaka?

3. Iesu ese Petero ena henanadai ia haerelaia murinai, dahaka ia karaia?

Paragraf 6-13

4. King ese ia amo moni bada herea ia abiatorehai tauna be edena bamona ia kara henia?

5. Hesiai tauna ese ena bamona, moni sisina sibona ia abiatorehai tauna, be edena bamona ia kara henia?

6. Dika ia gwauatao lasi hesiai tauna ese ia karaia karana be King ese ia kamonai neganai, dahaka ia karaia?

Paragraf 14-18

7. Iesu ena sivarai lalonai daika be unai King bamona?

8. Iesu ena sivarai amo dahaka ita dibaia?

9. Herevana nega momo ta ena dika oi gwauatao vadaeni, to bema oi ia noia iena dika oi gwauatao totona, dahaka do oi karaia?

Karoa 15 Paragraf 1-7

1. Ta lalodika henia kava karana ena anina be dahaka, bona dahaka dainai unai kara be maoro lasi?

2. Ma haida ia lalodika henia tauna be Iesu dekenai mauri hanaihanai abia dalana ia henanadailaia neganai, Iesu be dahaka ia gwau?

3. Ma ta lalodika henia kava karana dainai, unai tauna be dahaka ekskius ia gwauraia?

Paragraf 8-15

4. Unai tauna durua totona, Iesu be dahaka sivarai ia gwauraia?

5. Iesu ese ena sivarai ia haorea murinai, unai tauna dekenai dahaka henanadai ia henia, bona unai tauna ena haere be dahaka?

Paragraf 16-19

6. Iesu ena sivarai amo ita diba daika be iseda badibadinai tauna korikorina?

7. Edena bamona ita diba Iehova be ma haida ia lalodika henia lasi?

8. Edena dala ai ita be badibadinai tauna namona ai ita lao diba?