Hebou Lao Henia Hanaihanai Karana Atoa Guna
1 Keristani ruma bese be kongrigeisen heboudia lao henia hanaihanai karana idia atoa guna. To hari inai negai, eda mauri lalonai ita karaia gaudia idauidau ese iseda hebou lao henia karana idia hadikaia diba. Papua New Guinea ai herevana edeseni ita noho, inai gaudia ese iseda hebou lao henia karana idia hadikaia diba: Ruma bona uma gaukara idauidau, moni gaukara, maketi, haoda, eiava homwek. Oi be unai hekwakwanai oi davaria, a? Iehova ena lalohadai ita abia be namo, unai ese ita do ia durua mai anina bada gaudia ita atoa guna totona.—1 Sam. 24:6; 26:11.
2 Israela tauna ta be Sabati dinana ai lahi au ia gogoa neganai, ia hahedinaraia mai ena ura ida Iehova ena lalohadai ia dadaraia. Reana ia laloa unai bamona ia karaia iena ruma bese ia durua totona, eiava ia be gau maragina sibona. To, Iehova ese ia hahemaoro henia karana amo ia hahedinaraia, tomadiho negana lalonai anina lasi gaukara idaudia karaia karana be kerere badana.—Num. 15:32-36.
3 Hanaia Dalana: Taunimanima momo be hebou idia lao henia totona, moni gaukara, uma gaukara, maketi bona mauri durua gaukaradia idia rakatania be ia auka. Haida be unai hekwakwanai idia hanaia totona, edia bosi idia hereva henia, gaukara negadia idia senisia, moni gaukara idauna ma ta idia tahua, eiava edia mauri lalonai gau momo idia tahua lasi. Haida be edia lalona idia hadaia, hebou dinadia ai uma aniani hadoa gaukara, maketi eiava haoda gaukara idia karaia lasi totona, unai amo hebou dekenai idia mai diba. Momokani, tomadiho momokani totona unai bamona idia karaia neganai Iehova ia moale.—Heb. 13:16.
4 Kongrigeisen haida edia hebou be hanuaboi dekenai idia karaia neganai, nega haida homwek be ita ia koua diba. Kekeni matamata ta ia gwau: “Hebou vairanai, egu homwek haida lau karaia, bona ruma dekenai lau giroa lou neganai, homwek orena lau karaia.”
5 Ruma bese idia palani namonamo bona gaukara hebou neganai, ruma gaukara idia haorea haraga diba, bona nega korikori ai hebou dekenai idia ginidae. (Aon. 20:18) Danu, natuna maragidia idia hadibaia dabua idia hahedokilaia bona idia hegaegae idia makaia negana ai hebou dekenai idia lao totona. Ruma bese haida be PMV idia abia totona be auka eiava do idia raka ela bona Kingdom Hall be daudau dainai, ruma idia rakatania haraga be namo. Tama sina edia haheitalai amo natudia idia hadibaia, hebou iboudiai be mai anina bada.—Aon. 20:7.
6 Inai nega dikana ai hekwakwanai idauidau idia bada idia lao lalonai, kongrigeisen heboudia lao henia hanaihanai karana be gau badana. Namona be gau ibounai dekenai Iehova ena lalohadai ita abia bona hebou lao henia hanaihanai karana ita atoa guna.—Heb. 10:24, 25.
This is a repeat of article in km 2/04 taken from km-E 2/04 “Regular Meeting Attendance-A Priority”