Kongrigeisen Ena Kontribusen Mauadia

Kingdom Hall ta ta dekenai kontribusen maua toi idia noho be namo. Maua ginigunana ena ladana do umui torea, “Kongrigeisen Ena Moni.” Unai moni amo paua bona ranu edia davana idia karaia eiava kongrigeisen ena gau haida idia hoia diba. Namona be unai maua dekenai idia gogoa moni be kongrigeisen ena akaun dekenai idia atoa. Danu, unai moni amo hua ta ta ai Kingdom Hall totona idia karaia abiatorehai ena davana eiava Kingdom Hall ena rent idia henia diba.

Maua iharuana ena ladana be “Tanobada Ibounai Gaukarana” bona unai maua amo idia gogoa moni be hua ta ta ai brens opesi dekenai do idia siaia. Unai moni be iseda brens opesi ese ia gaukaralaia bona orena be tano ma haida dekenai ia siaia.

Maua ihatoina ena ladana be “Tanobada Ibounai Kingdom Hall Haginia.” Unai maua amo idia gogoa moni be hua ta ta ai brens opesi dekenai do idia siaia. Unai moni idia gaukaralaia Papua New Guinea lalonai Kingdom Hall matamata idia haginia totona, bona orena be tano haida dekenai idia siaia Kingdom Hall haginia gaukara durua totona. Kongrigeisen ibounai lalonai unai maua ia noho be namo, ena be idia be edia Kingdom Hall idia haginia noho.

Nega haida, kongrigeisen ta ese nega sisina lalonai maua ma ta idia atoa edia gabu dekenai idia haginia Kingdom Hall gaukarana idia durua totona. Unai Kingdom Hall ia ore neganai, unai maua idia kokia. To, edia Kingdom Hall idia haginia noho lalonai, Tanobada Ibounai Kingdom Hall Haginia mauana ia noho be namo.

This box is unique to PNG and is a partial repeat from km 3/01, repeated again in km 8/04