Magasin Ena Rau Ginigabena Gaukaralaia

Taunimanima ese magasin ta idia abia neganai, nega momo rau ginigunana bona rau ginigabena idia itaia guna. Gima Kohorona, pablik gauna ena rau ginigabena ai henanadai o hereva namodia haida, edia rau ena namba danu, oi itaia diba.

Unai rau ena henanadai amo hamatamaia hereva namodia ita gwauraia diba. Bema teritori ta dekenai be ita haroro momo, reana hua ta ibounai lalonai henanadai idauidau ita gaukaralaia diba. Hegeregere, bema ruma tauna ta ia bisi, vadaeni iseda hamatamaia herevana ita hakwadogia dalana be inai: Magasin ena rau ginigabena ena henanadai ta ita hahedinaraia, bena ita gwau, “Bema oi ura haere oi diba, inai magasin lau rakatania diba bona ma nega ta ai do ita kikilaia hebou.” Pablisa haida idia ura ruma taudia dekenai magasin ena henanadai idia hahedinaraia bona idia noia henanadaia ta idia abia hidi totona. Bena haere idia davaria gabuna idia poinia bona gabeai do ia duahia sirina ia abia hidi. Reana oi danu be unai bamona dala ma haida amo taunimanima edia lalona oi veria diba Gima Kohorona idia ura henia totona.