Lagani 2011 Kalenda ese Ruma Bese Ena Tomadiho Ia Hahedinaraia

Lagana 2011 Calendar of Jehovah’s Witnesses ena sinado be, Ruma Bese Ena Tomadiho. Unai kalenda dekenai hari inai negai bona Baibel negadiai idia noho ruma bese edia laulau idia noho. Danu, laulau haida dekenai Keristani headava taudia bona headava lasi taudia be Iehova ena Hereva idia stadilaia noho.

Unai kalenda ai, Baibel ese ia gwauraia taudia edia laulau idia noho, idia be Iehova ena taravatu idia moalelaia, bona unai ese idia ia durua hekwakwanai idauidau idia haheaukalaia totona. (Sal. 1:​2, 3) Unai laulau ta ta ese idia hahedinaraia Ruma Bese Ena Tomadiho be mai anina bada, herevana iseda ruma bese be bada o maragi, ruma bese ibounai be orea lalonai o haida sibona. Kalenda dekenai speisi ta idia atoa, unai amo emui Ruma Bese Ena Tomadiho negana oi torea diba. Emui kalenda oi abia neganai, unai kahana oi hahonua be namo.