Abidadama Ia Hagoadaia Matahanaina

9:1-7

Iesu ena hemami mani oi laloa ena toana ia idau matahanaina ai, ia kamonai iena guba Tamana ese ia lalonamo henia. Unai ese Iesu ia hagoadaia kahirakahira do ia abia hisihisina ia haheaukalaia totona. Unai matahanai ese danu Petero, Iamesi bona Ioane edia lalona ia hagoadaia. Unai dainai idia abia dae Iesu be Mesia, bona ia idia kamonai henia be maoro. Lagani 32 murinai, Petero be unai nega ia laloatao noho badina unai ese ena abidadama “peroveta herevadia” dekenai ia hagoadaia momokani.​—⁠2Pet 1:16-19.

Ena be unai mai anina bada matahanaina ita itaia lasi, to ia guguru noho daladia ita itaia noho. Iesu be ia lohia noho siahu bada King. Kahirakahira, do “ia kwalimu,” bena dala do ia kehoa kara maoromaoro tanobada matamatana totona.​—⁠Apok 6:2.

Baibel ena peroveta herevadia idia guguru dalana oi itaia karana ese edena dala ai emu abidadama ia hagoadaia?