Haroro Hanamoa Daladia—Revareva Namona Torea Dalana

DAHAKA DAINAI MAI ANINA BADA: Paulo ese ia torea revareva ibounai 14 amo, Korinto Ginigunana be ta, bona unai ia torea Keristani tadikaka ia hagoadaia totona. Ta be revareva ia torea neganai, nega bada ia noho ia torea herevadia ia abia hidi namonamo totona, unai amo duahia tauna be unai revareva ia duahia loulou diba. Revareva be dala namona iseda varavara bona turadia ita haroro henidia totona. Danu unai ese dala ia kehoa ita hereva henia diba lasi taudia ita haroro henidia totona. Hegeregere, kamonai tauna ta oi davaria, to nega momo ruma dekenai oi davaria lasi. Iseda teritori ai, haida ita haroro henidia be auka badina idia be bisinesi rumadia, komiuniti mai edia geiti, o daudau gabudia dekenai idia noho. Bema ita diba lasi taudia dekenai revareva ita torea, dahaka gaudia ita laloatao be namo?

KARAIA DALANA:

• 

  Namona be haroro gaukara ai do oi gwauraia herevadia hegeregerena oi torea. Revareva ena matamatana ai, oi sibona oi herevalaia guna, bona unai revareva oi torea ena badina oi hahedinaraia namonamo. Reana henanadai ta oi torea, duahia tauna ese do ia lalohadailaia totona, bona oi hadibaia iseda websait ia sekea totona. Bena ia dekenai Online Bible Study Lessons oi herevalaia, ruma dekenai Baibel Stadi ita karaia dalana oi hadibaia, eiava iseda stadi pablikeisen amo karoa haida edia sinado oi torea diba. Danu, envelop lalonai contact kadi, invateisen, eiava pepapepa ta oi udaia diba

• Hereva oi hakwadogia. Namo lasi emu revareva ia lata dainai duahia tauna ia hesiku.​—⁠Rau 8 ai revareva ena toana oi itaia

• Namona be revareva ena hereva ibounai bona toana oi sekea namonamo. Danu, oi sekea bema unai revareva be hemataurai, aonega, bona hagoadaia dalanai oi torea. Envelop dekenai stamp maorodia oi atoa be namo