Iehova be Iseda Ura Gaudia Ia Diba

Iehova be lauma dalanai iseda ura gaudia ia diba dainai, Igui hesiai tauna mai ena kamonai bona mai ena kara maoromaoro ia gaukaralaia “nega korikori ai” ita dekenai lauma aniani ia henia. (Mt 24:45) Gau ma haida amo, iseda rijinol hebouhebou bona wiki ena hebou ese unai ia hamomokania.

VIDIO LADANA, 2017 HADIBAIA KOMITI ENA RIPOTI ITAIA, BENA INAI HENANADAI HAERELAIA:

• 

  Nega korikori ai hebouhebou badadia ita moalelaia dainai, daika ita hanamoa be namo bona dahaka dainai?

• Hebouhebou ta ena gaukara be edena bamona ia matamaia?

• 

  Hebouhebou ena topik ta ta be edena bamona idia abia hidi?

• Hebouhebou idia hegaegaelaia neganai dahaka gaukara idia karaia danu?

• Edena dala ai Gilead sikuli ai idia badinaia stadi dalana be wiki ena hebou ai idia gaukaralaia?

• 

  Edena dala ai dipatmen ta ta idia gaukara hebou wiki ena hebou idia hegaegaelaia totona?

Iehova ese iseda abidadama hagoadaia totona ia henia gaudia be edena bamona oi laloa?