KERISTANI TAUDIA EDIA MAURI DALANA
Aposteit Taudia amo Sibona Oi Gimaia
Hanaihanai, Satani bona ia idia badinaia taudia ese hereva koikoi be hereva momokani bamona idia gwauraia, badina idia ura iseda abidadama idia hamanokaia. (2Ko 11:3) Hegeregere, Asuria taudia be sivarai ena kahana haida sibona bona koikoi herevadia idia gwauraia, Iehova ena taunimanima edia abidadama idia hamanokaia totona. (2Si 32:10-15) Hari, aposteit taudia danu be unai dala idia badinaia. Aposteit taudia edia hahediba herevadia dekenai dahaka ita karaia be namo? Unai gaudia be poisini bamona unai dainai ita dadaraia be namo! Edia email ita duahia lasi, haere henia lasi, eiava ma haida dekenai ita siaia lao lasi. Iehova bona ena orea dekenai daradara do idia havaraia infomeisen ita itaia neganai, karaharaga ita dadaraia be namo!—Iu 3, 4.
VIDIO LADANA “ABIDADAMA UMUI GIMAIA”!—ENA KAHANA TA ITAIA, BENA INAI HENANADAI HAERELAIA:
Bema social media ai grup haida ita bamoa, dahaka dainai ita naria namonamo be namo?
Edena dala ai Roma 16:17 ai ia noho sisiba herevana ita badinaia diba?