DECEMBER 22-28
ISAIA 11-13
Ane 14 Bona Guriguri | Hamatamaia Herevadia (1 min.)
1. Baibel be Edena Dala ai Mesia Ia Herevalaia
(10 min.)
Ia be Iese ena natuna Davida ena bese amo do ia vara (Isa 11:1; ip-1-E 159 par. 4-5)
Dirava ena lauma helaga be ia latanai bona Iehova do ia gari henia (Isa 11:2, 3a; ip-1-E 159 par. 6; w23.06 15 par. 5)
Ia be mai kara maoromaoro bona hebogahisi ida taunimanima do ia hahemaoro henidia (Isa 11:3b-5; ip-1-E 160 par. 9; 161 par. 11)
LALOA DOBU TOTONA: Edena dala ai Iesu ena lohia dalana be taunimanima edia lohia dalana ia hereaia?
2. Hakaua Hereva Namodia
(10 min.)
Isa 11:10—Edena dala ai inai peroveta herevana ia guguru? (ip-1-E 165-166 par. 16-18)
Inai wiki ena Baibel duahiduahi amo dahaka oi dibaia?
3. Baibel Duahiduahi
(4 min.) Isa 11:1-12 (th stadi 11)
4. Herevahereva Hamatamaia
(3 min.) RUMA TA RUMA TA. (lmd leseni 2 point 5)
5. Lou Henia Karaia Noho
(4 min.) PABLIK HARORO. Kamonai tauna ena henanadai oi haerelaia totona jw.org oi gaukaralaia. (lmd leseni 8 point 3)
6. Hahediba Taudia ai Halaoa
(5 min.) Emu Baibel stiuden oi durua ia hegaegae oi ida ruma ta ruma ta haroro gaukara ia karaia totona. (lmd leseni 11 point 4)
Ane 57
7. Mai Maoromaoro ida ta Oi Hahemaoro Henia
(15 min.) Tok bona henanadai.
Nega momo taunimanima ita hahemaoro henidia kava. Edia toana ita itaia dainai unai bamona ita karaia diba. Iesu be taunimanima edia kudouna ia itaia bona idia laloa bona karaia gaudia edia badina ia diba namonamo. Unai dainai ita ura iena haheitalai ita tohotohoa. (Isa 11:3, 4). Ena be taunimanima edia kudouna ita itaia diba lasi, to namona be ita gaukara goada Iesu ita tohotohoa totona. Ioane 7:24 ai, Iesu ia gwau: “Namo lasi ta ena toana amo ia umui hahemaoro henia, to mai maoromaoro ida ia umui hahemaoro henia.”
Bema taunimanima edia toana dainai idia ita hahemaoro henia kava, iseda haroro gaukara do ita moalelaia lasi bona do ita hesiku. Hegeregere, nega haida ita ura lasi idau bese taudia eiava dubu idauna ta ai idia lao taudia ita haroro henia. Eiava ita ura lasi iseda dekena taudia ita haroro henia badina ita laloa idia be taga taudia eiava ogogami maurina idia noholaia. Oi laloa unai bamona taudia be hereva momokani do idia abia dae lasi, a? Dirava ena ura be “taunimanima idauidau do ia hamauria bona hereva momokani ena diba maoromaoro do idia abia.”—1Ti 2:4.
VIDIO hahedinaraia Gima Kohorona amo Ita Dibaia Gaudia—Ta ena Toana Hegeregerena Oi Hahemaoro Henia Lasi. Bena helai taudia nanadaia:
Vidio ai, edena inai heheni karana idia herevalaia?
Inai heheni karana be kongrigeisen lalonai ia noho neganai, dahaka do ia vara?
Idia intaviu henia tadikaka taihu be taunimanima hahemaoro henia kava karana idia dadaraia totona, dahaka ese idia ia durua?
Inai Gima Kohorona atikol amo dahaka oi dibaia?
8. Kongrigeisen Baibel Stadi
(30 min.) lfb leseni 46-47