Stadi Tip

Iehova Ena Kara Namodia Ma Haida Tahua

Baibel ita duahia bona ena anina ita lalopararalaia totona, tulu idauidau amo tahua gaukara ita karaia diba. To ita ura lasi diba sibona ita habadaia. Ita ura Iehova ena kara namodia idia herevalaia sivaraidia ita tahua, unai amo iseda lalokau ia totona do ita habadaia. Unai ita karaia totona, sibona do ita nanadaia: ‘Inai siri amo Iehova dekenai dahaka lau dibaia?’

Hegeregere, Iehova ese lalokau, aonega, goada bona siahu ia hahedinaraia dalana ita tahua diba. To, Iehova be mai ena kara namodia ma haida, bona unai ita dibaia diba. Iena kara ma haida idia hahedinaraia sivaraidia be edeseniai oi davaria diba?

Watch Tower Publications Index lalonai Iehova ena kara idauidau 50 mai kahana oi davaria diba, idia be hereva kwarana “Jehovah” bona hereva kwarana maragina “Qualities by Name” henunai idia noho. Oi duahia Baibel sivarai ese ia herevalaia karana oi tahua. (Bema Research Guide for Jehovah’s Witnesses sibona oi gaukaralaia, hereva kwarana “Jehovah God” bona hereva kwarana maragina “Jehovah’s Qualities” oi itaia.)