Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • w89 8/1 rau 20-21
  • Gwaubou Herevana Ta

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Gwaubou Herevana Ta
  • 1989 Gima Kohorona Iehova Ena Basileia Ia Harorolaia
  • Inai Bamona Atikol
  • Babulono Badana Idia Samania
    1989 Gima Kohorona Iehova Ena Basileia Ia Harorolaia
  • “Sivarai Namona” Apokalips Amo
    1999 Gima Kohorona Iehova Ena Basileia Ia Harorolaia
  • Hahemauri, Iesu Keriso Do Ia Hedinarai Neganai
    1993 Gima Kohorona Iehova Ena Basileia Ia Harorolaia
  • Apokalupo Bukana Bona Oi
    Apokalupo—Ena Hagugurua Negana Ia Kahirakahira!
Ma Haida Itaia
1989 Gima Kohorona Iehova Ena Basileia Ia Harorolaia
w89 8/1 rau 20-21

Gwaubou Herevana Ta

Lagani gunana ena Distrik Hebouheboudia dekenai idia mai taudia iboudiai edia namba be 6,443,597, bona tanobada ibounai lalonai gabu 1,098 dekenai idia hebou. Unai hebouhebou lalonai idia bapatiso taudia iboudiai edia namba be 93,822. Reana “Dirava ena Hahemaoro Goevagoeva” Distrik Hebouheboudia dekenai idia mai taudia iboudiai edia namba ese lagani gunana ena Distrik Hebouheboudia dekenai idia mai taudia edia namba ia hanaia. Haroro ta, ladana “Ariara Hahine” be “Dirava ena Hahemaoro Goevagoeva” Distrik Hebouheboudia iboudiai dekenai idia henia. Unai haroro idia henia murinai, mai ena rau 320 kopina aukana bukana ta, ladana Revelation​—⁠Its Grand Climax at Hand! idia halasia. Inai buka be mai ena laulau hairaidia, bona gado 20 ai idia printaia. Haroro tauna ese helai taudia ia hereva henidia, ia gwau: “Inai buka be sibona emui stadi lalonai bona kongregesen ena stadi lalonai umui gaukaralaia namonamo. Danu, inai buka amo tanobada taudia umui haroro henidia, umui gwau Babulono Badana do idia hadikaia ore, bona kahirakahira Aramagedono be tanobada besedia dekenai do ia vara, bena Dirava ena palani hereadaena do ia guguru, iena Basileia hereadaena be Keriso bona ena adavana edia amo do ia lohia neganai. Inai hereva do umui kamonai bona do umui badinaia neganai, do umui moale, ‘badina inai gaudia ibounai do idia vara ena nega be ia kahirakahira vadaeni’!”​—⁠Apokalupo 1:⁠3.

1. Hari inai negai Iehova ena Witness taudia ese dahaka idia moalelaia?

Lagani 1914 amo ema bona harihari be “Lohiabada ena dina,” Dirava ena hahemaoro negana; inai nega lalonai ita noho taudia be iseda dagi hereadaedia ita moalelaia, unai dagi be, king iboudiai edia King, Iesu Keriso henunai Lohiabada Iehova ena hesiai gaukara ita karaia noho. (Apokalupo 1:10) Ita be IEHOVA ENA WITNESS TAUDIA dainai, ita gwau:

(1) Kerisendom bona Babulono Badana orena ese mauri Diravana momokanina tamona, Iehova ena ladana be edia kara amo idia hadikaia vadaeni; unai kara ITA URA HENIA LASI MOMOKANI. Apokalupo 4:11 ena hereva ITA HAMOMOKANIA mai iseda lalona ibounai ida, ita gwau: “Iehova, aiemai Dirava e, oi be hegeregere momokani vadaeni, taunimanima ibounai ese hairai bona mataurai oi do idia henia.”

(2) Kerisendom ena kara, Babulono ena hahediba herevadia badinaia karana, be ITA URA HENIA LASI MOMOKANI. Unai hereva haida be inai: Dirava be toi tamona, taunimanima edia lauma idia mase diba lasi, kara dika taudia be hel lalonai hisihisi do idia ania ela bona hanaihanai, lahi gabuna ta ladana pegatori ia noho, bona Maria bona korosi tomadiho henidia herevadia danu. Apokalupo 22:​18, 19 ena hereva hegeregerena, Dirava ena Buka Helaga ena hereva iboudiai ITA BADINAIA MAI EDA GOADA IDA.

(3) Dirava idia dadaraia taudia edia lalohadai bona kara, Kerisendom lalonai idia karaia momo karadia, be ITA URA HENIA LASI MOMOKANI; gaudia be inai: Evolusen, rara henia hanai karana, natu be edia sinadia edia bogadia lalodiai hamasedia karana, hereva koikoidia, mataganigani bona koikoi karadia. Ita ia havaraia Diravana, Siahu Ibounai Diravana, Iehova Dirava, be iseda tomadiho bona mauri dalana lalonai, DO ITA MATAURAIA; Apokalupo 15:3 ia gwau iena kara be “maoromaoro bona momokani.”

(4) Kerisendom ena kamonai lasi karana ITA URA HENIA LASI MOMOKANI: Iesu ese Apokalupo karoa 2 bona 3 lalodiai ekalesia oreadia 7 ia tore henidia herevadia ia kamonai henidia lasi. Unai hereva amo ia sisiba henidia: orea hapararaia karana, kaivakuku tomadiho henia karana, heudahanai, Iesabel ena lalo-ani, lalo-manoka, bona gima lasi karana ia sisibalaia. Iseda lalohadai be “Lauma Helaga ena hereva ekalesia oreadia dekenai” be DO ITA KAMONAIA BONA DO ITA BADINAIA.

(5) Kerisendom bona ena haroro taudia edia matabodaga karadia bona lebulebu karadia ITA URA HENIA LASI MOMOKANI, bona Iehova ena hahemaoro herevana Apokalupo 21:8 dekenai ita abia dae, unai hereva ia gwau edia miro karadia idia karaia noho taudia​—⁠heudahanai taudia, koikoi taudia, bona unai bamona taudia​—⁠be Dirava ese do ia hadikadia ore. Bible ena taravatu headava karana bona ruma bese maurina dekenai be ITA BADINAIA MAI EDA LALONA IBOUNAI IDA.

(6) Babulono Badana ena haroro taudia edia kara, lauma dalanai idia be tanobada ena lohia taudia ida idia heudahanai karadia, be ITA URA HENIA LASI MOMOKANI. Unai kara idia karaia, siahu bona moni bona kohu abia totona, bona taunimanima biagudia totona danu. ISEDA LALONA ITA HADAIA, lalo-maoro taudia do ita durudia, aneru ena boiboi Apokalupo 18:4 dekenai do idia badinaia totona; ia gwau: “Lauegu orea taudia e, ia dekena amo do umui raka siri.”

(7) Babulono Badana ena kerere bada hereana rara dekenai be ITA URA HENIA LASI MOMOKANI. Hanaia lagani 88 lalodiai taunimanima 100 milion be tuari lalodiai idia aladia mase, unai ena badina badana ta be, ariara hahinena badana be politikol gavamanidia ida idia heudahanai. ITA MOALE, badina be, Apokalupo 18:​21-24 ese ia gwauraia hedinarai goevagoeva hegeregerena, Dirava ese Babulono Badana ena davana do ia henia negana be ia kahirakahira.

Ita be Iehova ena Witness taudia dainai, ITA BE MAI EDA MOALE IDA tanobada taudia ita haroro henidia, ita gwau, lagani 1914 lalonai “tanobada biagua siahuna be iseda Lohiabada [Iehova] bona ena Keriso idia abia vadaeni.” (Apokalupo 11:15) ISEDA LALONA ITA HADAIA VADAENI Iehova ena hahemaoro herevadia, Babulono Badana latanai ia gwauraia herevadia, do ita harorolaia noho mai eda boga-auka ida, bona taunimanima do ita hadibadia, Dirava ena tuari, Aramagedono be ia kahirakahira momokani. ISEDA LALOHADAI AUKANA BE, sivarai namona be “bese ibounai, iduhu ibounai, gado ibounai bona kopina idauidau ibounai taudia” dekenai do ita harorolaia, do ita hamaorodia “guba matamatana bona tanobada matamatana” be kahirakahira do idia mai, kamonai taudia hanamodia totona. (Apokalupo 14:6; 21:⁠1) ITA MOALE, badina be inai haroro gaukara dainai, taunimanima hutuma bada herea, taunimanima 3 milion mai kahana, bese iboudiai amo be ita ida idia lalo-tamona, tanobada hegegemadai lalonai. Ita ibounai be guba padanai ia roho aneruna ida ita gwau: “Dirava do umui gari henia, ia do umui hanamoa bada, badina be Dirava ese taunimanima ibounai do ia kota henia ena nega ia ginidae vadaeni. Guba bona tanobada bona davara bona ranu guridia ibounai ia karaia Diravana do umui tomadiho henia.”​—⁠Apokalupo 14:⁠7.

2. Gwaubou Herevana ena kahana 7 ta ta edia hereva dekenai mani inai oi gwauraia: (a) Iehova ena Witness taudia ese idia ura henia lasi momokani gaudia bona (b) Witness taudia ese idia hamomokania gaudia.

3. (a) Iehova ena Witness taudia ese dahaka moale bona dagi hereadaena idia abia hari? (b) Witness taudia ese edia lalona idia hadaia vadaeni dahaka do idia karaia totona? (c) Iseda lalohadai aukana be dahaka? (d) Iehova ena Witness taudia ese dahaka moale bona haroro gaukarana lalonai idia vareai?

    Hiri Motu Pablikeisen (1987-2026)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia