Gaukara Auka be Moale Ia Havaraia, A?

“GAUKARA be mai anina bada tatau dekediai, ani?” Japan ena bisinesi tauna badana Bunpei Otsuki ese unai henanadai ia gwauraia. Ia gwau ia ura lasi nega ia abia do ia holide totona. Tuari murinai Japan taudia momo be ia hegeregerena idia gaukara bada edia gabu idia hanamoa lou totona. Bouti badana gunalaia tauna Perry be United States amo, bona dala ia kehoa Japan dekenai gavamani bona bisinesi idia karaia murinai, taunimanima idia lalo-parara Japan taudia be gaukara goadagoada taudia. Bona ia be mai badina idia ese edia gaukara goadagoada karana idia heagilaia.

To, hari taunimanima idia maumau idia gaukara goadagoada dainai. Mai edia fatori momo besedia iboudiai amo, lagani tamona lalonai Japan taudia edia gaukara horadia be idia momo. Hari Japan ena gavamani ia ura edia taunimanima edia gaukara goadagoada karana do ia hamaragia sisina. Niuspepa ta lalonai hereva kwarana ia gwau, “Leiba Opesi Ia Gwau ‘Umui Gaukara Goadagoada Lasi.’ ” Leiba opesi ena hereva badana lagani 1987 ena holide negana totona be inai: “Bema holide umui abia diba, unai ese ia hahedinaraia umui be gaukara namonamo taudia.” Hegeregere gavamani ia gwau, “Umui gaukara goadagoada ena badina be dahaka?”

Momokani, Japan taudia haida be idia gaukara goadagoada lasi. Vanegai orea ta, (Japan Productivity Center) ese gaukara matamata taudia 7,000 edia kara idia tahua, bona ia hedinarai idia 100 100 amo 7 7 ese edia moni gaukara idia laloa guna bona gabeai sibodia edia ura kara idia karaia. Idau tano dekediai unai bamona idia karaia danu. Germany dekenai orea ta ladana be Allensbacher Institut für Demoskopie, bona lagani 18 ia lao 29 German taudia idia nanadaidia neganai, idia 100 100 amo 19 19 sibodia idia gwau idia ura idia gaukara goadagoada, herevana edia gaukara davana be ia bada eiava ia maragi.

Japan memero bona kekeni momo be idia gaukara goadagoada lasi, to idau tano amo idia mai gaukara taudia idia gaukara goadagoada. Tokyo dekenai gaukara biaguna ta ese ena Algeria amo ia mai leiba gaukara tauna ia moalelaia. Ia gwau: “Japan taudia be inai bamona gaukara idia ura karaia lasi, bema idia karaia toho, kara haraga idia rakatania.” Ena be Japan taudia be gaukara goadagoada taudia, to unai bamona idia karaia be vara kava gauna lasi. Taunimanima idia gaukara goadagoada be mai ena badina, gau ta ese ia doridia dainai idia karaia.

Gaukara Bada ena Badina Haida

Pura iboudiai idia halasia magasin ta ladana Der Spiegel lalonai ia gwau, idia gaukara goadagoada German taudia idia ura “taga, noho namo, kohu bona gaukara namona” idia abia. Oibe, taunimanima momo herea idia gaukara goadagoada idia taga totona, badina idia ura noho namona idia abia. Ma haida idia gaukara goadagoada badina idia ura “gaukara namona idia abia” eiava dagi badana idia abia totona. Sikuli dekenai idia hadibadia idia goada karaia unai gaudia idia abia totona, to madi nega momo idia hekwarahi kava bamona​—⁠ena be idia gaukara goadagoada, to unai gaudia idia abia diba lasi.

Moni bona dagi abia totona taunimanima be idia gaukara goadagoada, to unai sibona lasi. Haida idia gaukara badina vaia ia be edia gaukara dainai. Idia dekenai gaukara be gau badana ta. Ma haida ese idia karaia gaukarana idia moalelaia. Haruo ia gwau: “Egu gaukara gabunai lau karaia gauna ese egu lalona ia veria momokani, bona unai ese egu lauma gaukarana ia koua.”

Ma haida ese idia gaukara goada idia dabu taudia durudia totona. Idia gaukara bada hamauridia totona. Hegeregere, lahi habodoa gaukara ia karaia tauna, ia be dina iboudiai ia hekwarahi noho ena gaukara gaudia idia dika lasi totona.

To unai be gaukara goadagoada ena badina korikori, a? Unai bamona gaukaradia ese moale do idia havaraia, a? Vadaeni, edena gaukara ese oi do ia hamoalea momokani diba?