Duahia Taudia Edia Henanadai
Dahaka dainai Noa ese galo ta, bena murinai, pune ta ia siaidia lagatoi amo?
Bible ese anina ibounai ia herevalaia lasi. To, Noa ese unai bamona ia karaia be mai ena badina.
Dina 40 bona hanuaboi 40, tanobada dekenai medu bada herea ia diho. Unai amo abata bada hereana ta ia vara bona hua ima lalodiai unai abata ranuna ese ororo iboudiai ia koudia. Murinai, “lagatoi ia kamokau Ararat ororo dekenai.” (Genese 7:6–8:4) Hua haida murinai, “ranu be ia diho lao noho” bena Noa ese ‘galo ta ia siaia, bena ia roho lao, ia roho loaloa bona ia giroa mai.’—Genese 8:5, 7.
Dahaka dainai galo ia siaia? Badina unai manu be roho goada manuna, bona aniani idauidau momo ia ania diba manuna, mase tauanidia danu ia ania diba. Reana Noa be unai galo ia siaia do ia giroa mai eiava lasi ia diba totona. Reana ranu ia diho neganai, mase tauanidia haida idia hedinarai bona galo do ia giroa lao lasi. To, unai galo ia giroa lao. Bible lalonai ia gwau ia giroa lao, to ia gwau lasi ia giroa lao Noa dekenai. Reana ia giroa lagatoi dekenai ia laga-ani sisina totona, bona ma ia roho lao ranu latanai idia hure anianidia ma ia tahudia totona.
Murinai, Noa ese pune ta ia siaia. Inai bamona ita duahia: “Pune be helai gabu ta ia davaria lasi. Unai dainai Noa ese murimuri dekenai ena imana ia atoa, bona pune ia abia lou lagatoi lalonai.” (Genese 8:9) Unai amo ita diba unai pune be ranu ia diho momokani eiava lasi ia hahedinaraia diba. Pune be taunimanima dekenai idia abidadama momo. Noa be ia diba bema pune be ia giroa mai do ia mai maoromaoro Noa dekenai.
Aonega taudia idia gwau pune be tano kaukauna sibona dekenai idia helai diba, bona idia roho neganai koura lalonai idia roho, tano kahirakahira dekenai, bona tubutubu gaudia edia uhena idia ania. (Esekiel 7:16) Grzimek’s Animal Life Encyclopedia ia gwau: “Pune bona pune bamona manudia be tubutubu gaudia edia uhe bona nadinadi idia anidia dainai, bema sinou ia moru, bona tano ia koua dina tamona ibounai lalonai, unai neganai edia aniani dalana be lasi, badina edia aniani gaudia iboudiai be tano kopinai idia noho.” Unai dainai ita diba unai pune ese tano kaukauna sisina ia davaria neganai reana tubutubu gaudia edia uhe eiava rigina ta do ia mailaia diba Noa dekenai. Nega ginigunana Noa ese ia siaia neganai, unai pune be Noa dekenai ia giroa lao sibona. Nega iharuana ia siaia neganai, pune ia giroa mai neganai, olive au rauna ta ia mailaia. Nega ihatoina ia siaia neganai ia giroa mai lasi, unai amo Noa ia diba ia be lagatoi amo ia diho diba.—Genese 8:8-12.
Ena be haida idia laloa unai be gau maragidia sibona ita herevalaia inai, to Bible ena hereva ita tahua neganai ia hedinarai unai ia vara karana ia gwauraia namonamo, bona ita daradara diba lasi. To danu, sivarai ena anina ibounai ia gwauraia lasi. Danu ita ia hadibaia unai Bible ena sivarai be tau ta ena koikoi herevana lasi, to hereva maorona ta. Danu, unai sivarai lalonai idia hedinarai lasi gaudia haida be reana kamonai Keristen taudia ese Noa do idia nanadaia, ia toreisi lou neganai. Unai neganai ia ese ena kara ena badina haida do ia gwauraidia hedinarai.—Heberu 11:7, 39.