Henanadai Mauana

◼ Seketere ese kongregesen ena haroro ripotina ia haboua murinai Baibel stadi ripoti dekenai dahaka ia karaia?

Namona be Baibel stadi ripoti be hua rua bamona lalonai seketere ena faila dekenai idia noho; unai murinai, kongregesen buka stadi naria taudia dekenai ia henia. Unai ripoti ese buka stadi naria taudia idia durua Baibel stadi idia hakaua pablisa idia hagoadaia bona durua totona. Idia stadi taudia idia durua diba danu.

Namona be buka stadi naria taudia ese unai kamonai taudia idia dibaia toho bona idia hagoadaia, bema mai dalana, buka stadi dekenai do idia mai. Buka stadi naria tauna ese kongregesen heboudia vairanai bona murinai nega ia atoa diba, tadikaka bona taihu dekenai edia Baibel stadi idia herevalaia totona. Reana dala ia karaia diba, pablisa haida ida edia Baibel stadi dekenai idia lao bona unai amo lauma dalanai idia ia hagoadaia. Danu, haroro naria tauna ese kongregesen ena buka stadi grup ta ia vadivadi henia neganai, unai Baibel stadi ripoti amo diba ia abia bona tadikaka bona taihu ia hagoadaia, Baibel stadi gaukarana idia karaia totona.

Namona be sekit naria tauna ese kongregesen ia vadivadi henia neganai, seketere ena faila dekenai idia noho Baibel stadi ripoti do ia itaia. Danu, reana pablisa haida ese edia Baibel stadi idia karaia neganai idia ia bamoa diba. Unai ese stiuden tauna bona stadi ia karaia tauna ia hagoadaia. Eiava sekit naria tauna ese ena vadivadi lalonai nega idauna ma ta ai unai kamonai taudia ia vadivadi henia diba.

Baibel stadi ta idia hadokoa bona ena badina be Baibel stadi ripoti dekenai ita torea be namo. Sekit naria tauna ese kongregesen ia vadivadi henia neganai, Baibel stadi ripoti do ia itadia. Reana unai taudia, edia stadi idia hadokoa taudia, ia durua diba, bena idia itaia lauma dalanai heduru idia abia be gau badana. Unai stadi haida ita hamatamaia lou bona unai taudia ese lauma dalanai heduru idia abia lou be namo herea!

Ita ibounai ese hahediba taudia halaoa gaukarana ita laloa bada bona dala ia kehoa neganai, hereva momokani idia dibaia kamonai matamata taudia do ita hagoadaia. Baibel stadi ripoti ese heduru idia henia. Kongregesen buka stadi naria tauna ese seketere amo ripoti matamatadia ia abia neganai, gunadia ia negea diba.