Henanadai Mauana

◼ Daika ese Tiokratik Haroro Sikuli, Hesiai Hebou, Pablik Hebou, bona Gima Kohorona Stadi edia kehoa anedia do ia gwauraia, bona edena bamona do ia gwauraia be namo?

Tiokratik Haroro Sikuli ena ane ibounai be Tiokratik Haroro Sikuli Ena Sediual (October ena Iseda Basileia Gaukara lalonai idia udaia pepana) ai idia noho. Hesiai Hebou ena ane ibounai be Iseda Basileia Gaukara ena rau 2 ai idia noho. Bona Gima Kohorona Stadi ena ane ibounai be Gima Kohorona ena rau 2 ai idia noho. Hebou ena kehoa anedia be hebou ta ta totona idia abia hidi dainai, hebou ta ta idia hamatamaia taudia ese kehoa anedia idia gwauraia be namo.

Hegeregere, Tiokratik Haroro Sikuli naria tauna ese helai taudia do ia welkam henia, kehoa anena ia gwauraia, sikuli ia naria, bena Hesiai Hebou ena kahana ginigunana ia naria tauna be platfom dekenai ia boiria mai. Hesiai Hebou ena kahana ginigunana ia naria tauna ese Hesiai Hebou ena kehoa anena ia gwauraia be namo.

Unai hegeregerena, Pablik Hebou be seamani ese do ia kehoa. Helai taudia ibounai do ia welkam henia, kehoa anena (tok henia tadikaka ia abia hidi anena) ia gwauraia, bena helai taudia ia noia ane idia abia hebou totona. Seamani (eiava reana ia noia lo tadikaka ma ta) ese guriguri amo hebou do ia kehoa. Seamani ese tok henia tadikaka ena ladana bona ena tok ena sinado do ia gwauraia. Pablik tok murinai, seamani ese tadikaka ia tanikiu henia, to tok ena point badadia do ia gwauraia lasi. Seamani ese pura vaira ena pablik tok ena sinado do ia gwauraia, bena helai taudia ia noia idia noho Gima Kohorona Stadi totona. To namo lasi seamani be helai taudia ia noia tok henia tadikaka ena kongrigeisen dekenai edia lalokau idia siaia lao totona. Dokonai, seamani ese Gima Kohorona Stadi naria tauna be platfom dekenai ia boiria mai.

Gima Kohorona Stadi naria tauna ese kehoa anena do ia gwauraia. Ia ese stadi be elda taudia idia abia hadibaia dalana hegeregerena do ia hakaua, bena koua anena do ia gwauraia. Dokonai, Gima Kohorona Stadi naria tauna be pablik tok henia tadikaka do ia boiria guriguri amo hebou ia koua totona.

Unai hakaua herevadia ita badinaia neganai, iseda kongrigeisen heboudia be dala maorodia ai ita hakaua namonamo diba.