Magasin Herevalaia Daladia

The Watchtower Oct. 1

“Diba bada taudia haida idia gwau, ruma bese lalonai tama ena maduna be mai anina bada. Oi laloa tama namona ta ese dahaka ia karaia be namo? [Haere naria.] Iesu ese ia hahedinaraia goevagoeva, ia be ena Tamana ena haheitalai namona ese ia durua bada. [Ioane 5:​19 duahia.] Inai magasin ena kahana ta ai tama ese ia karaia diba gaudia siks ia herevalaia.” Rau 18 amo ia matamaia kahana hahedinaraia.

Awake! Oct.

“Dirava ena toana momokanina dekenai, tomadiho idauidau taudia edia lalohadai be idauidau. To, Iesu ese ena Tamana ena toana momokanina be edena bamona ia herevalaia? Mani Iesu ena hereva, Ioane 4:​24 ai ita itaia. [Duahia.] Inai magasin dekenai Baibel be henanadai ta ia haerelaia, hegeregere: ‘What is the nature of God?’ ” Rau 24 bona 25 ai idia noho herevadia oi hahedinaraia.

The Watchtower Nov. 1

“ ‘Lalokau Diravana ese taunimanima ia hahisia hanaihanai lalohadaina be momo ese idia daradaralaia.’ Dahaka oi laloa? [Haere naria.] Baibel ese ia hahedinaraia goevagoeva, Dirava be taunimanima ia hahisia lasi o dagedage henidia lasi. [Esekiela 18:23 duahia.] Inai magasin ai idia noho Baibel ena hadibaia herevadia do oi moalelaia bada.”

Awake! Nov.

“Nega momo taunimanima idia gwau ladana bada taudia, moni bona kohu momo idia abia taudia eiava siahu taudia be idia moale. Oi laloa edena dala ai ta ia moale diba? [Haere naria.] Ta ia moale diba dalana be Baibel ai mani ita itaia. [Salamo 1:​1-3 duahia.] Inai magasin be ta ese moale ia davaria daladia siks ia herevalaia.” Rau 6 ai ia matamaia kahana hahedinaraia.