Daidia ese Inai Do Idia Ura Henia?
1. Gima Kohorona o Awake! ita duahia neganai, dahaka ita laloa bona dahaka dainai?
1 Gima Kohorona bona Awake! be taunimanima idauidau durua totona idia hegaegaelaia. Unai dainai, magasin ena atikol be idauidau. Atikol ta ta ita duahia neganai, ita laloa gauna be, daika ese inai atikol do ia ura henia, bena ita hekwarahi unai bamona tauna dekenai magasin ita hariharilaia.
2. Iseda magasin lalonai edena topik be ma haida ese do idia ura henia?
2 Emu gaukara turana ta ida guna umui herevalaia Baibel ena topik ta be Gima Kohorona matamatana ese ia herevalaia, a? Edena atikol be famili ia herevalaia bona emu varavara ta do ia durua? Bema turana ta be palani ia karaia tano ta ia lao totona, edena Awake! be unai tano ia sivarailaia? Edena magasin be emu teritori ai idia noho bisinesi o gavamani oreadia haida dekenai do oi hariharilaia? Hegeregere, bema magasin ta ese medikol gaudia ia herevalaia, reana hospital taudia ese do idia ura henia. Bema magasin ta ese kara gageva ia herevalaia, reana pulisi taudia o unai bamona oreadia ese do idia ura henia.
3. Taunimanima ese idia ura henia magasin hariharilaia karana ena ekspiriens ta herevalaia.
3 Ena Namo: South Africa ai, tadikaka ta bona ena adavana be October 2011 Awake! (“How to Raise Responsible Children”) idia abia neganai, edia teritori ai idia noho sikuli 25 idia rini henia. Unai gabu 25 amo 22 ese unai Awake! ena kopi idia abia bona edia stiuden dekenai idia hariharilaia. Unai tano ai, tadikaka ma ta bona ena adavana be sikuli ma haida ai magasin idia hariharilaia. Sikuli ta ena tisa ese unai magasin be wiki ta ta ena leseni bona duahiduahi ai idia gaukaralaia. Tadikaka ese edia ekspiriens be sekit naria tauna ta dekenai ia herevalaia. Bena sekit tauna ese ia vadivadi henia kongrigeisen ia hagoadadia, edia teritori ai idia noho sikuli dekenai magasin idia hariharilaia totona. Momo be brens ofesi dekenai unai magasin idia noia dainai, unai magasin ma haida idia printaia!
4. Dahaka dainai ita ura magasin ita hariharilaia?
4 Eda magasin ese hari idia vara gaudia edia badina ia herevalaia, bona ita ia durua Baibel bona Dirava ena Basileia ita laloa bada totona. Gima Kohorona bona Awake! sibona ese “hamauria herevana . . . idia gwauraia noho.” (Isa. 52:7) Unai dainai, ita ura momo dekenai magasin ita hariharilaia. Namona be sibona ita nanadaia, ‘Daidia ese inai do idia ura henia?’