Mai Ura ida Ta Ta Hagoadaia Kara Namodia Karaia Totona

Heberu 10:24 ese ita ia hagoadaia, “ta ta ibounai do ita laloa bona do ita hagoadaia, ita lalokau heheni bona kara namodia ita karaia totona.” Eda haheitalai bona abidadama amo eda tadikaka ita hagoadaia diba. Kongrigeisen taudia ida emu ekspiriens namodia oi herevalaia. Namona be idia itaia oi be Iehova hesiai henia karana oi moalelaia. To danu, ma haida sibona ita hahegeregerea lasi eiava ta be ma haida ida ita hahegeregerea lasi. (Gal. 6:4) Ma haida ita durua “lalokau bona kara namodia” idia hahedinaraia, to namo lasi ita hahemaraidia bona ita doridia kara namodia idia karaia totona. (Haroro Sikuli bukana, rau 158, par. 4 itaia.) Bema ita lalokau heheni, vadaeni kara namodia do ita karaia hegeregere, tauanina dalanai o haroro gaukara ai ma haida do ita durudia.​—2 Kor. 1:24