Ita Mauri Iehova Ita Hesiai Henia Totona!

Mauri be harihari gauna hereadaena. Dina ta ta ai unai harihari gauna ita gaukaralaia dalana amo ita hahedinaraia, mauri ita laloa bada. Ita be Iehova ena Witnes taudia dainai, ita ura iseda diba ita gaukaralaia, ita dekenai Mauri Ia Henia Tauna, Iehova ita hanamoa totona. (Sa 36:9; Apo 4:11) To inai tanobada dikana lalonai, dina ta ta maurina ena hekwakwanai dainai, eda tomadiho karadia ita laloa maragi diba. (Mr 4:18, 19) Unai dainai ita sibona ita nanadaia: ‘Lau be mai goada ibounai ida Iehova lau hesiai henia, a? (Hos 14:2) Egu moni gaukara ese egu hesiai gaukara ia koua, a? Dirava ida egu hetura karana hagoadaia totona, dahaka tahua gaudia lau atoa? Edena dala ai egu hesiai gaukara lau habadaia diba?’ Bema oi laloa emu mauri ai gau haida do oi hanamoa, heduru totona Iehova oi guriguri henia, bona oi hanamoa diba gaudia oi hanamoa. Momokani, dina ta ta ai Iehova ita hesiai henia karana ese ita dekenai moale bada ia mailaia!—Sa 61:8.

VIDIO LADANA IEHOVA TOTONA EMU DIBA OI GAUKARALAIA, ITAIA MURINAI HENUNAI IDIA NOHO HENANADAI HAERELAIA:

• Dahaka dainai Satani ena tanobada ai emu diba oi gaukaralaia be aonega karana lasi? (1Io 2:17)

• Iehova idia hesiai henia goadagoada taudia ese dahaka hahenamo idia davaria?

• Edena hesiai gaukara lalonai emu diba oi gaukaralaia?