Matamata Taudia​—⁠‘Mai Emui Ura Bada ida Kara Namodia Do Umui Karaia’

Aposetolo Paulo ese Tito dekenai ia siaia revareva ai, tatau matamata, Tito danu, ia hamaoroa namona be idia gaukara goada “gau iboudiai lalonai [idia] hahedinaraia [idia] be haheitalai namona kara namodia dekenai.” (Tit 2:6, 7) Unai karoa lalonai, ia hahedinaraia Iesu ese Iehova ena taunimanima do ia hagoevaia unai amo mai “ura bada ida kara namodia do [idia] karaia.” (Tit 2:14) Unai kara namona ta be Dirava ena Basileia do idia harorolaia bona hadibaia. Bema oi be matamata mero o kekeni ta, oi laloa emu goada oi gaukaralaia diba heduru o regula painia gaukara oi karaia totona, a?​—⁠Ao 20:29.

Bema oi ura regula painia gaukara oi karaia, namona be emu mauri oi palanilaia namonamo. (Lu 14:28-30) Hegeregere, ful-taim hesiai gaukara oi karaia neganai, edena dala ai sibona do oi naria? Edena dala ai painia ena hora oi abia diba? Guriguri amo Iehova ena heduru totona oi noinoi. (Sa 37:5) Oi karaia palani be emu tama sina bona lagani daudau lalonai painia gaukara idia karaia taudia ida oi herevalaia. Bena oi gaukara goada emu tahua gauna oi hagugurua totona. Mai ura ida Iehova ena hesiai gaukara oi karaia dainai, Ia ese emu hekwarahi do ia hanamoa!

VIDIO LADANA, MATAMATA TAUDIA ESE IEHOVA IDIA MATAURAIA ITAIA, BENA INAI HENANADAI HAERELAIA:

• Painia gaukara idia karaia taudia haida be dahaka hekwakwanai haida idia hanaia, bona edena dala ai unai idia karaia?

• Edena dala ai tama sina ese edia natudia idia durua diba regula painia gaukara idia karaia totona?

• Dahaka dainai haroro gaukara totona sediual namona oi karaia be mai anina bada?

• Edena dala ai kongrigeisen taudia ese painia taudia idia hagoadaia bona durua diba?

• Painia gaukara idia karaia taudia be dahaka hahenamo idia moalelaia?