Tuari ese Ia Havaraia Dika
Taunimanima haida be tuari bona dagedage karadia ese ia havaraia dika idia mamia. Soldia taudia bona tuari idia vara tanodia dekenai idia noho taudia be tuari ena dika idia diba.
SOLDIA TAUDIA
Gary, Britain ai, ia gwau: “Nega momo do oi itaia tuari gabudia dekenai taunimanima idia mase o bero dikadia idia abia. Bona oi diba lasi gabeai dahaka do ia vara.”
Wilmar, Colombia ai, ia gwau: “Egu doruna bona vairana be buleti ese ia haberoa bona lau itaia momo idia mase, natudia bona taunimanima badadia danu. Tuari dainai ta do oi hebogahisi henia lasi.”
Zafirah, United States ai, ia gwau: “Emu vairana ai tau ta be ipidi amo idia pidia neganai, ia vara gauna do oi laloaboio lasi. Unai tauna be hisihisi dainai ia boiboi bona taitai noho karana do oi laloa noho. Do ia auka ia oi laloaboio totona.”
TUARI IDIA VARA TANODIA AI IDIA NOHO TAUDIA
Oleksandra, Ukraine ai, ia gwau: “Lau mamia lau be do lau moale lou lasi. Oi gari badina, dika oi, emu famili, o emu turadia do idia mase.”
Daler, Tajikistan ai, ia gwau: “Ai gari badina aniani abia totona laini dekenai ai gini 2:00 a.m. amo ela bona 11:00 p.m. ai, badina ai diba lasi bema idia pidia buleti ta ese ai do ia pidia.”
Marie, Rwanda ai, ia gwau: “Tuari ta ai egu tama sina idia hamasea. Ta ia noho lasi lau ia hagoadaia bona durua totona.”
Ena be tuari ese unai taudia dekenai dika bona hisihisi ia havaraia, to maino idia davaria. Bona idia abia dae, tuari bona dagedage karadia be kahirakahira do ia ore. Inai Gima Kohorona ese Baibel do ia gaukaralaia unai do ia vara dalana ia herevalaia totona.