Ukraine Tuari Ena Lagani Iharuana—Baibel ese Dahaka Helaro Ia Henia?

Friday, February 24, 2023 be lagani ta ia ore vadaeni, Ukraine ai tuari ia matamaia. Ripoti haida idia gwau Ukraine bona Russia edia tuari taudia 300,000 bamona idia mase o bero idia abia bona taunimanima 30,000 bamona be tuari lalonai idia mase. To reana unai namba ia hanaia.

Madi, toana be unai tuari do ia ore haraga lasi.

• “Russia ena ami ese Ukraine ia tuari henia be kahirakahira lagani ta ia ore, to tuari idia hadokoa dalana be lasi. Toana be kahana ruaosi do idia kwalimu lasi bona idia lalotamona totona hamaoromaoroa dalana idia do davaria lasi.”​—NPR (National Public Radio), February 19, 2023.

Tanobada hegegemadai, unai tuari bona tuari ma haida ese kerere lasi taudia dekenai idia havaraia hisihisi dainai taunimanima momo idia lalohisihisi. Baibel ese dahaka helaro ia henia? Tuari be do ia ore, a?

Tuari ibounai do ia haorea tuarina

Baibel ese tuari ta ia herevalaia, unai tuari ese taunimanima do ia hadikaia lasi to do ia hamauria. Unai be Aramagedono tuari bona ia be “Siahu Ibounai Diravana ena dina badana ena tuari.” (Apokalupo 16:14, 16) Unai tuari amo, Dirava ese tuari momo idia havaraia taunimanima edia gavamani do ia haorea. Aramagedono ese maino ia havaraia dalana oi diba totona, inai atikol duahia:

• “Aramagedono Ena Tuari be Dahaka?”

• “Aramagedono be Sivarai Namona!”