Baibel Siridia Laloatao

Nega haida ia auka oi ura henia Baibel siri ta oi laloatao totona, a? Unai be reana oi ia hagoadaia siri ta, oi ia durua lalohadai kereredia oi dadaraia siri ta, eiava ma ta dekenai oi ura herevalaia siri ta. (Sal. 119:11, 111) Baibel siri oi laloatao daladia haida be inai:

• JW Library^® app dekenai ia noho tag gaukaralaia. JW Library dekenai, tag ai oi torea diba, “Oi Ura Henia Baibel Siridia,” bena unai gabu ai Baibel siridia oi torea diba.

• Siri be oi itaia diba gabudia dekenai oi atoa. Oi ura do oi laloatao siri be pepa ta dekenai oi torea, bona hanaihanai do oi itaia gabuna ta dekenai oi atoa. Haida be edia mira badinai idia atoa, eiava edia frisa ena iduara ai idia atoa. Haida be siri ena laulau idia abia bona edia kompiuta eiava fon ena screen saver ai idia atoa.

• Pepa o kadi maragidia karaia bona gaukaralaia. Kadi ena kahana ta ai siri ena buka ladana, karoa bona siri oi torea, bona ena kahana ma ta ai unai siri ena hereva oi torea. Bena kadi ena kahana ta ai idia noho siri oi itaia bona ena hereva oi laloatao toho eiava kahana ta ai ena hereva oi itaia bona Baibel ai edeseni ia noho oi laloatao toho.