Haroro Bona Hadibaia Gaukarana Oi Karaia Diba!

Iehova ese Mose dekenai asainmen ia henia neganai, Mose ia laloa do ia hegeregere lasi unai asainmen ia karaia totona. (Eso 4:10, 13) Nega haida unai bamona oi laloa, a? Oi be Iehova ena Witnes taudia ida oi stadi noho, a? Nega haida oi laloa nega ta ruma ta ruma ta haroro gaukarana do oi karaia diba, a? Eiava oi be mero o kekeni matamata dainai hanaihanai oi gari sikuli gabunai oi haroro totona. Eiava reana oi gari telefon eiava pablik gabudia ai haroro gaukara oi karaia. Iehova oi guriguri henia bona ena lauma helaga totona oi noinoi. (1Pe 4:11) Namona be oi abia dae Iehova ese oi do ia durua ia henia asainmen oi karaia totona.​—Eso 4:11, 12.

VIDIO LADANA, GOADA NOHO . . . PABLISA TAUDIA ITAIA, BENA INAI HENANADAI HAERELAIA:

• Taihu Aoyama ese dahaka hekwakwanai ia davaria?

• Dahaka ese ia durua ia goada bona ia gari lasi totona?​—Ie 20:7-9

• Taihu be Iehova ena hesiai gaukara ai gaukara ma haida ia karaia dainai, edena dala ai unai ese ia ia durua?

• Haroro gaukara ai Iehova ese oi do ia durua dahaka hekwakwanai oi hanaia totona?