Iehova ese Ena Taunimanima Ia Naria

Pasova ginigunana be mai anina bada. Unai hanuaboi ai, Farao ia laloparara Aigupito taudia edia vara guna natudia ibounai idia mase dainai, Mose ia hamaoroa: “Umui toreisi, lauegu orea taudia edia huanai dekena amo umui raka siri, umui bona Israela taudia ibounai. Umui lao, Lohiabada dekenai do umui tomadiho, umui emui noinoi hegeregerena.” (Eso 12:31) Iehova ese ia hahedinaraia ia be hanaihanai ena taunimanima ia naria noho.

Iehova ena taunimanima edia histori ese ia hahedinaraia, Iehova be hari inai negai ena taunimanima ia hakaua bona gimaia noho. Iseda hedikwota ai ia noho miusiam ta ladana, “Iehova Ena Ladana Idia Abia Taudia” ese unai ia hamomokania.

VIDIO LADANA, WARWICK MIUSIAM TUA: “IEHOVA ENA LADANA IDIA ABIA TAUDIA” ITAIA, BENA INAI HENANADAI HAERELAIA:

• 

  Lagani 1914 ia matamaia neganai, Bible Student taudia be dahaka tulu amo taunimanima idia durua Baibel idia abidadama henia totona, bona dahaka namo ia havaraia?

• 

  Lagani 1916 bona 1918 ai, edena bamona hahetoho idia vara, bona dahaka ese ia hamomokania Iehova be ena orea ia hakaua?

• 

  Edena dala ai Iehova ena taunimanima be dagedage negadia ai idia gini goada?

• 

  Lagani 1935 ai Iehova ena taunimanima be dahaka diba matamata idia abia, bona idia ese unai be edena bamona idia laloa?

• Bema unai miusiam oi itaia vadaeni, dahaka ese emu abidadama ia hagoadaia unai dainai oi abia dae Iehova be ena taunimanima ia hakaua bona gimaia noho?