Stadi Totona Oi Hegaegae

Baibel ita stadilaia neganai, ita ura Iehova dekenai ita dibaia gaudia ese ita do ia hagoadaia. Esera be haheitalai namona ia hahedinaraia, ia be “ena kudouna ia hegaegaelaia, Iehova ena Taravatu ia tahua” totona. (Esr. 7:10, ftn.) Edena dala ai Esera ita tohotohoa diba?

Guriguri. Stadi oi hamatamaia lasi neganai oi guriguri guna, bena emu stadi oi karaia. Iehova oi noia, oi ia durua oi dibaia gaudia oi lalopararalaia bona badinaia totona.—Sal. 119:18, 34.

Oi manau. Dirava ese hekokoroku bona sibona edia diba dekenai idia tabekau taudia amo, hereva momokani ia hunia. (Luka 10:21) Namo lasi tahua gaukara ita karaia, badina ita ura ma haida dekenai ita hahedinaraia ita be gau momo ita diba. Bema ita abia lalohadai be Dirava ena ura hegeregerena lasi, unai ita haidaua be namo.

Iseda orea ena ane ta oi kamonai. Miusiki ese iseda lalohadai bona hemami ia haidaua diba. Unai dainai, stadi ita do karaia lasi neganai miusiki ta ita kamonai diba, unai ese ita ia durua diba Iehova ita laloa bona ita dibaia gaudia ese ita do ia hagoadaia.