Nonb
24 Lè Balaam wè Jewova vle pou l beni pèp Izrayèl la, li pa t al fè maji ankò+, epi li bay fas li sou dezè a. 2 Lè Balaam wè Izrayèl monte tant li, chak tribi youn akote lòt+, lespri Bondye vin sou li+. 3 Epi, men mesaj li bay+:
“Men mesaj Balaam, pitit gason Beyò a,
Mesaj nonm yo ouvè je l la,
4 Mesaj sila a ki tande pawòl Bondye a,
Moun Toupisan an te fè fè yon vizyon an,
Moun ki te koube l byen ba ak je l tou ouvè a+:
5 Se pa ti bèl tant ou yo bèl, o Jakòb!
Se pa ti bèl kote w abite yo bèl, o Izrayèl+!
6 Yo rive sou yon bèl distans, menm jan ak vale yo+,
Menm jan ak jaden ki bò larivyè,
Menm jan ak pye lalwa Jewova plante,
Menm jan ak pye sèd ki bò dlo.
7 Dlo kontinye ap koule sot nan de bokit li yo,
Semans li yo plante bò kot anpil dlo+.
Wa l la+ ap gen plis pouvwa pase Agag+,
E y ap fè anpil lwanj pou wayòm li an+.
8 Bondye fè l soti kite peyi Ejip,
Li tankou kòn yon towo bèf mawon pou Izrayèl.
L ap detwi nasyon k ap toupizi l yo+,
L ap kraze zo yo anba dan l e l ap filange yo ak flèch li yo.
9 Li bese e li kouche tankou yon lyon,
E menm jan ak yon lyon, kiyès ki ka fè l leve?
Moun ki beni w yo ap jwenn benediksyon,
Moun ki mande malediksyon pou ou yo, malediksyon ap tonbe sou yo+.”
10 Lè sa a, Balak vin an kòlè anpil kont Balaam. Li bat men l pou l pase l nan rizib, e li di Balaam: “Se madichon mwen te rele w vin bay ènmi m yo+, men, pandan twa fwa, se beni w beni yo pito. 11 Kounye a, al fè wout ou tousuit! Mwen te vle ba w yon gwo kado+, men, Jewova fè w pèdi l.”
12 Balaam reponn Balak: “Èske m pa t di mesye ou te voye yo: 13 ‘Menmsi Balak ta ban m kay li a plen ajan ak lò, mwen pa t ap kapab fè anyen, ni byen ni mal, apa lòd Jewova ban mwen an, e se sa Jewova di m m ap di sèlman+’? 14 Kounye a, m ap retounen al jwenn pèp mwen an. Vini m di w ki sa pèp sa a pral fè pèp ou a nan jou k ap vini yo.” 15 Epi, Balaam bay mesaj li a+:
“Men mesaj Balaam, pitit gason Beyò a,
Mesaj nonm yo ouvè je l la+,
16 Mesaj sila a ki tande pawòl Bondye a,
Yon nonm ki gen konesans Sila a ki nan pi gwo pozisyon an bay la,
Yon nonm Toupisan an te fè fè yon vizyon,
Pandan l koube byen ba ak je l tou ouvè:
17 M ap wè l, men se pa kounye a.
M ap wè l, men se pa talè konsa.
Yon zetwal+ ap soti nan Jakòb,
Yon baton wa+ ap soti nan Izrayèl+.
Wè pa wè, l ap fann fontenn tèt Mowab*+ de bò,
E l ap kraze zo tèt tout gason k ap kraze brize yo.
18 Edòm ap vin byen lòt moun+,
Wi, ènmi Seyi yo ap pran Seyi+ kòm byen pa yo+,
Lè Izrayèl ap montre jan l gen kouraj.
19 Yon moun k ap fè pèp yo soumèt+ ap soti nan Jakòb,
L ap detwi tout moun ki rete vivan nan vil la.”
20 Lè Balaam wè Amalèk, li kontinye bay mesaj li a:
21 Lè l wè desandan Kayin yo+, li kontinye bay mesaj li a:
“Kote w rete a gen sekirite, ou abite sou yon mas wòch.
22 Men gen yon moun k ap boule Kayin rapyetè.
Konbyen tan k ap pase anvan Asiri ale avè w kòm prizonye?”
23 Epi, li kontinye bay mesaj li a:
“Gade yon malè! Kiyès k ap sove lè Bondye fè bagay sa a?
24 Bato ap soti nan pò Kitim+,
Y ap maltrete Asiri+,
E y ap maltrete Ebè.
Men, li menm tou l ap peri nèt.”
25 Lè sa a, Balaam+ leve l ale, epi li retounen kote l te soti a. Epitou, Balak al fè wout li.