Ezekyèl
24 Nan nevyèm ane a, nan dizyèm mwa a, nan dizyèm jou nan mwa a, Jewova pale avè m yon lòt fwa ankò, li di m: 2 “Pitit lòm, make dat jodi a*. Wa Babilòn nan kòmanse atake Jerizalèm jodi a+. 3 Bay yon parabòl* konsènan bann rebèl sa yo. Men sa pou w di sou yo:
“‘Jewova, Seyè ki Souvren an, di:
“Met chodyè a* sou dife epi vide dlo ladan l+.
4 Mete moso vyann ladan l+, tout bon moso yo,
Jigo a ak palèt la. Plen l ak pi bon zo yo.
5 Pran pi bon mouton ki nan twoupo a+, mete moso bwa yo anba tout chodyè a.
Bouyi moso yo, kuit zo ki ladan l yo.”’
6 “Kidonk, men sa Jewova, Seyè ki Souvren an, di:
‘Malè pou vil ki fè san koule a+, chodyè ki wouye a, chodyè yo pa retire wouy li yo!
Retire moso yo ladan l youn pa youn+, pa chwazi kiyès w ap pran.
7 San vil la fè koule a anndan l toujou+, li vide l sou yon wòch ki pa gen anyen sou li.
Li pa t vide l atè e li pa t kouvri l ak pousyè+.
8 Pou kòlè m ka monte, pou vanjans fèt,
Mwen mete san li fè koule a sou yon wòch ki byen klere ki pa gen anyen sou li
Pou yo pa ka kouvri san an+.’
9 “Kidonk, men sa Jewova, Seyè ki Souvren an, di:
‘Malè pou vil ki fè san koule a+!
M ap fè bwa yo fè yon pil ki men wotè.
10 Mete moso bwa yo youn sou lòt epi limen dife a.
Bouyi vyann nan byen bouyi, jete dlo a epi kite zo yo vin tou nwa.
11 Mete chodyè vid ki fèt an kuiv la sou chabon yo pou l ka vin cho,
Pou kuiv la ka vin tou wouj.
Bagay sal ki nan chodyè a ap fonn anndan l+ e dife a ap fini ak wouy la.
13 “‘Ou te vin sal akoz bagay sal ou t ap fè yo+. Mwen eseye fè w vin pwòp, men ou refize vin pwòp. Toutotan m pa sispann an kòlè kont ou, ou pa gendwa vin pwòp+. 14 Mwen menm, Jewova, mwen pale e sa m di a ap fèt. M ap aji san m pa ezite, san m pa tris, san m pa regrèt+. Y ap jije w selon sa w fè e selon fason w aji.’ Se sa Jewova, Seyè ki Souvren an, di.”
15 Jewova pale avè m yon lòt fwa ankò, li di m: 16 “Pitit lòm, m ap bay moun ou renmen an yon sèl kou e m ap pran l nan men w+. Ou pa dwe kite sa fè w nan lapenn*, ou pa dwe kriye pou li, ou pa dwe kite dlo soti nan je w. 17 Se pou w plenn an silans. Pinga w fè anyen ki montre w nan lapenn pou moun ki mouri a+. Mare mouchwa w nan tèt ou+ epi mete sandal nan pye w+. Ou pa dwe kouvri moustach ou*+ e w pa dwe manje pen yo pote ba ou*+.”
18 Mwen te pale ak pèp la nan maten e madanm mwen mouri nan aswè. Nan demen maten, mwen fè egzakteman sa yo te di m fè a. 19 Pèp la t ap plede di m: “Ou pap di nou ki rapò bagay w ap fè yo genyen avèk nou?” 20 Mwen reponn yo: “Jewova pale avè m, li di m: 21 ‘Men sa pou w di moun Izrayèl yo: “Men sa Jewova, Seyè ki Souvren an, di: ‘Mwen pral aji yon fason ki montre mwen pa gen okenn respè pou kote mwen genyen ki sakre a+, kote ki fè nou santi nou fyè a, kote nou renmen an, kote kè nou atache avè l la*. Pitit gason ak pitit fi nou kite dèyè yo ap tonbe anba kout epe+. 22 Lè sa a, n ap oblije fè menm sa Ezekyèl te fè a. Nou pap kouvri moustach nou e nou pap manje pen yo pote ban nou+. 23 Mouchwa nou ap sou tèt nou e sandal nou ap nan pye nou. Nou pap nan lapenn ni nou pap kriye. Men, n ap fin depafini nèt poutèt peche nou yo+ e youn ap plenn bay lòt. 24 Ezekyèl se yon siy pou nou+. N ap gen pou n fè menm sa l te fè a. Lè malè a rive nou, n ap konnen mwen se Jewova, Seyè ki Souvren an.’”’”
25 “O pitit lòm, kanta pou ou, nan jou m ap pran fòtrès yo a, bèl bagay ki fè yo kontan an, bagay yo renmen anpil la, bagay kè* yo atache avè l la, nan jou m ap pran pitit gason ak pitit fi yo genyen yo+, 26 se yon moun ki chape k ap vin fè w konn sa+. 27 Jou sa a, w ap ouvri bouch ou e w ap pale ak moun ki chape a, ou pap bèbè ankò+. W ap yon siy pou yo e y ap konnen mwen se Jewova.”