Dànyèl
10 Nan twazyèm ane rèy Siris+, wa peyi Pès la, Dànyèl, li menm yo te rele Bèltechaza a+, te resevwa yon mesaj. Mesaj sa a se te laverite e li te gen rapò ak yon gwo chirepit. Dànyèl te konprann mesaj la e Bondye te ba l entèlijans pou l konprann sa l te wè a.
2 Nan jou sa yo, mwen menm, Dànyèl, mwen te nan lapenn+ pandan twa semèn. 3 Mwen pa t manje bon manje, mwen pa t mete ni vyann ni diven nan bouch mwen e mwen pa t pase okenn luil sou mwen pandan twa semèn. 4 Sou 24yèm jou nan premye mwa a, pandan m te bò gwo rivyè ki rele Tig* la+, 5 mwen te gade, mwen te wè yon gason ki abiye ak rad len+. Li te gen yon senti ki fèt ak lò ki sot Oufaz nan ren l. 6 Kò l te tankou yon pyè ki rele krizolit+ e figi l te klere kou zèklè, je l te tankou flanm dife, men l ak pye l te sanble ak kuiv ki byen klere+. Epi, pawòl li t ap di yo te sonnen tankou se yon foul moun ki t ap pale. 7 Se sèl mwen menm, Dànyèl, ki te wè sa k nan vizyon an+. Mesye ki te avè m yo pa t wè sa m te wè a. Men, yo t ap tranble anpil e yo te kouri al kache.
8 Yo te kite m poukont mwen. Lè m te fè gwo vizyon sa a, mwen pa t gen fòs ankò, e mwen te vin pa sanble anyen, mwen te pèdi tout fòs mwen+. 9 Lè sa a, mwen te tande vwa moun ki t ap pale a. Lè m te tande l ap pale, mwen te tonbe fas atè, e yon gwo dòmi te pran m+. 10 Men, lè sa a, gen yon men ki te touche m+, li te souke m pou l fè m leve e mwen te pran apui sou men m ak jenou m. 11 Epi, li di m:
“O Dànyèl, ou menm ki gen anpil valè*+, byen koute sa m pral di w la. Kounye a, kanpe kote w ye a, paske Bondye voye m kote w.”
Lè l di m pawòl sa yo, mwen kanpe tou ap tranble.
12 Apre sa, li di m: “Ou pa bezwen pè+, Dànyèl. Bondye w ap sèvi a tande pawòl ou yo depi premye jou ou t ap chèche konprann bagay yo e ou t ap chèche rabese w devan l, e se pawòl ou yo ki fè m vini+. 13 Men, chèf+ wayòm peyi Pès la te lite avè m pandan 21 jou. Lè sa a, Mikayèl*+, youn nan prens ki nan pi gwo pozisyon yo, te vin ede m. Mwen te ret la bò kot wa peyi Pès yo. 14 Mwen vini pou m fè w konprann sa k pral rive pèp ou a nan dènye jou yo+, paske se yon vizyon ki la pou jou k ap vini yo+.”
15 Twouve, lè l t ap di m pawòl sa yo, mwen te bese tèt mwen atè e mwen pa t ka di anyen. 16 Epi, gen yon moun ki sanble ak yon gason ki te kanpe devan m. Li te touche bouch mwen+ e mwen te pale avè l. Mwen te di l: “Mèt mwen, vizyon an fè m tranble e mwen pa gen fòs+. 17 Bon, mèt mwen, ki sa mwen menm, sèvitè w la, ka di w+? Paske kounye a, mwen pa gen fòs, e souf mwen prèske koupe+.”
18 Moun ki te sanble ak yon gason an te touche m ankò e li te ban m fòs+. 19 Epi, li te di: “Ou pa bezwen pè+, ou menm ki gen anpil valè*+. Lapè avè w+. Met kran sou ou! Wi, se pou w met kran sou ou.” Pandan l t ap pale avè m, mwen te vin santi m gen fòs e mwen te di l: “Ou mèt pale, mèt mwen, paske w ban m fòs.”
20 Lè sa a, li di m: “Èske w konn poukisa m vin kote w? Kounye a, m ap retounen al batay ak chèf peyi Pès la+. Lè m ale, chèf peyi Lagrès la ap vini. 21 Men, m ap di w bagay ki ekri nan liv verite a. Pa gen pèsonn ki ede m nan bagay sa yo, sof Mikayèl+, prens ou a+.