Lè w gen yon moun pa w ki mouri

Bebe te gen yon relasyon sere sere ak papa l. Se yon zanmi fanmi an ki te gen bon entansyon ki te di l pawòl sa yo, men Bebe te twouve pawòl sa yo plis blese l pase yo rekonfòte l. Li te kontinye ap di tèt li: “Lanmò l [papa l] se pa t sa ki pi bon an.” Sa te parèt klè lè Bebe t ap rakonte aksidan an nan yon liv plizyè ane annapre, li te toujou nan lapenn.

Menm jan Bebe te vin wè sa, sa ka pran anpil tan pou yon moun fè fas ak lapenn li genyen, sitou lè li nan lapenn pou yon moun ki te pwòch li anpil ki mouri. Nan Bib la, yo gen rezon pale de lanmò kòm “dènye ènmi”. (1 Korentyen 15:26.) Lanmò se yon bagay ki anpeche n kontinye viv, e pa gen anyen ki ka anpeche l fè sa. Souvan, se nan moman nou pa atann ditou li pase pran moun pa nou yo. Pa gen youn nan nou ki pap pase anba woulo konpresè l la. Se sa k fè se yon bagay ki nòmal pou nou santi n san fòs lè n ap fè fas ak lanmò ansanm ak konsekans li pote yo.

Petèt, ou gendwa mande tèt ou: ‘Konbyen tan lapenn sa a ka dire? Ki jan yon moun ka fè fas avè l? Ki jan m ka konsole moun ki nan lapenn akoz moun pa yo ki mouri? Èske gen espwa pou moun pa nou yo ki mouri?’