Ki sa w ap fè jou ferye yo?

Etandone gen anpil moun ki lakay yo jou ferye yo, byen souvan, se yon bon okazyon pou nou patisipe nan predikasyon. Yo ankouraje tout kongregasyon pou yo pran dispozisyon pou yo òganize predikasyon jou ferye yo. Si gen anpil moun nan tèritwa a ki dòmi ta jou sa yo, l ap bon pou ansyen yo chanje lè yo konn fè reyinyon predikasyon yo. Yo ka fè yon anons pandan reyinyon sèvis la pou yo fè kongregasyon an konnen tout dispozisyon espesyal yo pran pou yo òganize predikasyon jou ferye yo epi yo ka ankouraje tout moun pou yo soti nan predikasyon jou sa yo. Natirèlman, jou ferye yo ban nou okazyon pou nou repoze oubyen pou nou okipe afè pèsonèl nou tou. Men l ap bon si nou kite yon pati nan jounen an pou nou soti nan predikasyon. Konsa n ap jwenn ankourajman lefètke nou patisipe nan sèvis sakre a. — Mat. 11:29, 30.