LAVI NOU ANTANKE KRETYEN
Jèn, pa pèdi tan pou n antre nan “gwo pòt” la
Li ka fasil pou n panse n ap kontinye rete jèn nètale e “jou malè” laj pote nan monn Satan an pap janm rive sou nou (Ekl 12:1). Si w se yon jèn, èske w panse w gen yon pakèt tan devan w pou w fikse objektif pou w sèvi aplentan?
“Malè rive” sou nou tout, moun ki jèn yo ladan l tou (Ekl 9:11). “Nou pa menm konnen sa k ap rive nou demen.” (Jk 4:14). Se poutèt sa, pa panse n a gen tan atenn objektif espirityèl nou yo, alòske nou pa gen rezon pou sa. Antre nan “gwo pòt ki mennen nan aktivite” a pandan l tou ouvè pou nou toujou (1Ko 16:9). Nou pap regrèt anyen!
Kèk objektif espirityèl nou ka fikse:
Preche nan yon lòt lang
Fè sèvis pyonye
Asiste lekòl òganizasyon an mete yo
Sèvi nan konstriksyon
Sèvi nan Betèl
Fè travay sikonskripsyon