Kongrè nou gen chak ane yo se okazyon pou n demontre lanmou

Nou renmen kongrè nou genyen chak ane yo anpil! Poukisa? Menm jan sa te ye nan Izrayèl tan lontan an, kongrè nou gen nan epòk nou an souvan ban nou okazyon pou n adore Jewova avèk plizyè santèn, e menm plizyè milye nan frè ak sè nou yo. Nou renmen tout enfòmasyon nou jwenn k ap ede nou rete pwòch ak Jewova. Nou apresye tou bon ti tan nou pase avèk zanmi nou ak fanmi nou. Gwo apresyasyon nou genyen pou kongrè yo pouse n asiste toule twa jou yo.

Lè nou jwenn okazyon pou n reyini ansanm, nou pa dwe panse sèlman ak sa nou kapab jwenn, men tou nou dwe panse ak fason pou n demontre lanmou pou lòt moun (Ga 6:10; Eb 10:24, 25). Lè nou kenbe yon pòt pou frè nou oswa sè nou oswa nou kenbe sèlman plas nou bezwen, nou montre n ap chèche enterè pa lòt moun (Fp 2:3, 4). Kongrè yo ban nou bèl okazyon pou n fè nouvo zanmi. Anvan ak apre pwogram nan e pandan poz la, nou kapab fikse objektif pou n pale ak yon moun nou pa konnen (2Ko 6:13). Zanmi nou vin genyen nan okazyon sa a kapab la pou toutan! Sa k pi enpòtan an, lè lòt moun k ap gade wè fason n demontre vrè lanmou an, yo ka deside vin sèvi Jewova ansanm avèk nou. — Jan 13:35.

GADE VIDEYO KI GEN TIT KONGRÈ ENTÈNASYONAL “LANMOU PA JANM FAYI”!, EPI REPONN KESYON KI ANNAPRE YO:

• 

  Ki jan yo te montre lanmou pou delege yo nan kongrè entènasyonal 2019 yo?

• 

  Poukisa inite ak lanmou ki gen pami pèp Bondye a vrèman estrawòdinè?

• 

  Sou ki aspè nan lanmou nou genyen antanke kretyen an manm Kolèj santral yo te pale?

• 

  Ki jan lanmou nou genyen antanke kretyen an ini frè nou yo ann Almay ak nan Kore disid?

• Ki detèminasyon nou dwe pran?