Kontinye antrene kapasite [w] genyen pou [w] konprann nan

Pou yon atlèt rete kalifye li dwe kontinye antrene mis li yo. Menm jan an tou, nou dwe kontinye fè gwo efò pou n antrene e pou n kenbe kapasite nou genyen pou n konprann nan (Eb 5:14). Byenke nou ka gen tandans imite sa lòt moun fè, nou dwe antrene kapasite nou genyen pou n konprann nan pou n pran desizyon pou tèt nou. Poukisa? Nou chak pral rann kont pou pwòp desizyon nou yo. — Wm 14:12.

Nou pa ta dwe panse n ap pran bon desizyon jis paske nou gen anpil ane depi nou batize. Pou nou pran desizyon ki saj, nou dwe konte nèt sou Jewova, sou pawòl li a ak sou òganizasyon l lan. — Joz 1:7, 8; Pw 3:5, 6; Mt 24:45.

GADE VIDEYO KI GEN TIT “SE POU KONSYANS NOU RETE KLÈ,” EPI REPONN KESYON KI ANNAPRE YO:

• 

  Ki desizyon Ema te dwe pran?

• 

  Poukisa nou dwe evite bay opinyon pèsonèl nou sou sa ki gen rapò ak konsyans?

• 

  Ki konsèy saj yon mari ak madanm li te pataje ak Ema?

• 

  Ki kote Ema te jwenn enfòmasyon ki te ede l nan sitiyasyon l lan?