LAVI NOU ANTANKE KRETYEN
Ranfòse lafwa w nan Pawòl Bondye a
Pawòl Bondye a ka transfòme lavi nou (Eb 4:12). Sepandan, pou nou jwenn byenfè nan direksyon ak konsèy li bay, nou bezwen gen konviksyon toutbonvre li se “pawòl Bondye” a. (1Te 2:13.) Ki jan nou ka ranfòse lafwa nou nan Pawòl Bondye a?
Li yon pòsyon nan Bib la chak jou. Pandan w ap li, chèche prèv ki montre Jewova se Mèt Bib la. Pa egzanp, egzamine konsèy ki gen nan liv Pwovèb la e gade ki jan sajès ki ladan l lan pa janm pase mòd. — Pw 13:20; 14:30.
Fè yon pwojè pou w kòmanse etidye Bib la. Fè efò pou w abitye ak prèv ki montre se Bondye ki enspire Bib la. Nan Gid pou Temwen Jewova yo fè rechèch la, gade anba sijè “Labib” epi “Se Bondye ki enspire l.” Epitou, lè w egzamine enfòmasyon nou jwenn nan Apendis A3 ki nan Tradiksyon monn nouvo a, sa ka ranfòse lafwa w nan mesaj ki nan Bib la ki pa chanje.
GADE VIDEYO KI GEN TIT REZON KI FÈ NOU GEN LAFWA NAN... PAWÒL BONDYE A, EPI REPONN KESYON KI ANNAPRE YO:
Ki jan mi tanp yo te dekouvri nan yon zòn ann Ejip yo rele Kanak konfime Pawòl Bondye a se laverite?
Ki jan nou fè konnen mesaj ki nan Bib la pa t chanje?
Lefètke Bib la toujou egziste jis jodi a, ki jan sa pwouve li se Pawòl Bondye a? — Li Ezayi 40:8