Etidye nan objektif pou w pataje sa w aprann

Lè n ap etidye Bib la, nou santi n byen. Men, n ap santi n pi byen toujou lè n pataje bèl trezò nou jwenn yo ak lòt moun. Pwovèb 11:25 di: “Moun ki ankouraje lòt moun ap jwenn ankourajman.”

Lè n pataje sa n aprann ak lòt moun, l ap pi fasil pou n sonje yo annapre e n ap pi byen konprann yo. Epitou, piske trezò nou jwenn yo kapab ede lòt moun, nou kontan pataje yo ak yo. — Tra. 20:35.

Yon bagay ou ka fè: Nan semèn k ap vini an, chèche okazyon pou w pataje sa w aprann ak yon lòt moun. Ou ka fè sa ak yon moun nan fanmi w, yon moun nan kongregasyon an, yon kòlèg travay ou, yon kondisip ou, yon vwazen w oswa yon moun ou rankontre nan travay predikasyon an. Lè w ap pataje sa w aprann avèk yo, eseye fè sa yon fason ki senp e ki klè.

Sa pou w sonje: Pataje sa w aprann pou w ankouraje lòt moun, men, pa fè sa paske w ap chèche montre ou konn anpil bagay.— 1 Kor. 8:1.