Kantik 6 (13)
Ve kretyen yo fè
1. Jewova kreye linivè,
Se yon mèvèy total.
Tè a, syèl la, tout se pou li,
Se travay pwòp men pa l.
Se li ki bay souf lavi a,
L’aji ak presizyon.
Li vrèman merite tout louwanj,
Tout moun dwe l adorasyon.
2. Nasyon Izrayèl tan lontan,
Te di nan Sinayi :
‘ Jewova Dye ban nou Lalwa,
Nou dakò obeyi. ’
Wi, se Bondye ki te Mèt yo,
Nan lanmè l sove yo.
Yo ta dwe toujou chèche pwouve
Yo vwe nèt, yo pap ba l do.
3. Pou Jezi te fè sa ki jis,
Nan dlo li batize.
Ak imilite l bay tèt li
Pou l fè sa Bondye vle.
Lè l soti nan dlo Jouden an
Kòm Pitit Bondye wenn,
L al sèvi avèk obeyisans,
Li fidèl, se Bondye l krenn.
4. Nou vin devan w, o Jewova,
Pou n louwe non w ki gran.
Nou nye tèt nou, nou ba w kè nou
Ak lavi n pou toutan.
Ou te bay sèl Pitit ou a,
Ki peye chè pou nou.
Nou pap kontinye viv pou tèt pa n,
Nou deja vwe vi n ba ou.