Kantik 24 (50)
Annou byen reyaji devan lanmou Bondye
1. Bondye se ou sèl ki gran e nou renmen w sensèman,
Jewova, ou merite tout glwa.
Nou louwe non ou byen wo, nou konn sa pawòl ou vo.
Grasa li nou mache ak lafwa.
Ou gen lanmou ak tandrès, pou nou se pi gwo richès.
Ou gen anpil sajès ak pisans.
Ekriti yo fè n konnen si kè n ret pwòp, se sèten,
Ou pral beni nou ann abondans.
2. Paske w renmen n an premye, lanmou s’a pouse nou vre
Pou nou renmen w ak tout kè nou tou.
Pou non w, Kris vin sou latè e lanmou w li montre klè.
Lavi etènèl li ofri nou.
Yon lanmou konsa trè fò, li menm pi bèl pase lò.
Kris bay lavi l, sa koute l anpil.
Pou nou ka pa janm peri, direksyon l nou ancheri.
Nou suiv konsèy li yo, tout itil.
3. Nou pap janm kite monn nan fè n pa sèvi w fidèlman.
N ap kontinye pale sa ki vrè.
N ap sèvi w ak tout kè nou, n ap demontre toulejou
Yon lanmou, pou lòt moun, ki sensè.
Pandan n ap travay ansanm, lanmou n ki briye kou flanm
Montre n ap suiv Pitit Gason w lan.
Prensip Wayòm nan n’aprann, yo menm n ap toujou defann,
Konsa, n ap tann Kris di n : “ Konpliman. ”