Kantik 29 (62)
Mizèrikòd bay kè kontan !
1. Mizèrikòd bay kè kontan.
Moun ki genyen l lakay yo gran,
Yo di moun ki swaf ladwati,
Nan konpasyon, Bondye rejwi.
Li montre lanmou l nan Kalvè,
Lè Kris te bay vi l nan doulè.
Li bay ranson an pou peche n,
Paske l renmen nou, li rachte n.
2. Mizèrikòd rann moun beni.
Yo anpè, peche yo blanchi.
Yo pwofite padon yo jwenn,
Kris wete lèzòm nan lapenn.
Mizèrikòd la ap etann
Akoz Pawòl la y ap defann.
Donk yo di moun yo : Pran kouraj !
Talè n ap jwenn bèl eritaj.
3. Moun ki gen konpasyon pa pè
Jijman Jewova Dye pral fè.
Yo tout ap jwenn mizèrikòd,
Piske l aji ak bon metòd.
Annou kontinye padone,
Ann demontre bèl kalite,
N ap pwofite tout okazyon
Pou n suiv Ya, Bondye konpasyon.
(AN DÈNYE)
Mizèrikòd bay kè kontan !
Nan je Bondye, sa fè moun gran.