Kantik 89 (201)
Annou rejwi avèk nasyon Bondye a
1. Pa mwayen predikasyon an,
Tout moun nèt, nou di sensèman :
‘ Nan Bib la, vin pran ansèyman,
Pou n ka jwenn verite sou Wayòm nan. ’
Bondye rele moun yo
Pou yo bay chemen peche do.
Si yo kwè nan li ki Trèwo,
Y ap ka viv toutan nan yon monn nouvo.
(Refren)
2. O, gade ! Nasyon ki sen an,
Jewova wenn li byen lontan,
Pou l sèvi l avèk kè kontan,
E pou l bay bon nouvèl delivrans lan.
N ap ka jwenn favè Ya,
Si n suiv Kris, Sovè n nan, ki Wa,
E si nou aji ak lafwa.
Konsa, n ap rete nan wout Bondye a.
(Refren)
3. Nan yon peyi ki bon, ki vas,
Ki pa gen konfli ak menas,
Yon gwo foul ap rann Bondye gras.
Yo zele, e yo vrèman efikas.
Yo sispann soupire.
Laverite, yo tout achte,
Prensip Bib la, yo aplike,
E yo toujou glorifye non Bondye.
(REFREN)
Annou rejwi, jodi a,
Ak nasyon Jewova.
Mesaj la, n ap bay nan tout nasyon.
Devan twòn li, fò n sèvi.
Souvrènte l, n ap soutni.
Pou Wayòm li, nou dwe pran pozisyon.