Liv Bondye a se yon trezò

1. Gen yon liv ki bay anpil moun kè kontan,

Grasa li yo gen espwa ak lapè.

Panse’l yo bèl, epi yo gen anpil fòs.

Li bay espwa lavi pou moun sensè.

Liv sen sa’ se Labib, Pawòl Bondye a,

Se moun Li enspire ki te ekri’l.

Moun sa yo te renmen Bondye sensèman.

Lespri Bondye te fè yo vin abil.

2. Yo te ekri konsènan kreyasyon an,

Jan Bondye fè linivè ak fòs li.

Yo fè’n konnen yon lè lòm te san peche,

E ki jan Paradi a te pèdi.

Epitou, yo pale konsènan yon zanj

Ki te rejte souvrènte Jewova.

Konsa, peche ak pwoblèm te vin parèt.

Men, talè Bondye pral pot laviktwa.

3. Jodi a, sou tout tè a, gen anpil jwa,

Kris ap reye nan syèl la kòm Seyè.

Talè konsa, Jewova ap delivre

Tout moun ki vle sèvi’l e ki sensè.

Li ban’n Labib ki gen prensip ki itil,

Ki gen plis valè pase lò ki fen.

Liv sa’ ede moun viv anpè toutbonvre.

Si’n suiv sa’l di lavi’n pap janm gen fen.