Yon priyè remèsiman

1. Jewova Dye ou merite tout glwa,

N’ap leve vwa’n pou’n louwe’w, bon Papa.

N’ap priye’w, Ou menm ki tande priyè.

Tanpri, pwoteje’n paske’n se pousyè.

Nou enpafè, chak jou nou fè peche.

Pou fot nou, padon’w n’ap toujou chèche.

Ou achte’n ak san Jezi, Pitit ou.

Nou vle pou’w anseye nou toulejou.

2. Moun ou envite lakay ou kontan

Jwenn direksyon, sajès ak ansèyman.

Grasa Pawòl ou nou aprann konnen’w.

Nou vle ret zanmi’w paske nou renmen’w.

Tout sa ou fè montre ou gen pisans,

Ou ban’n fòs pou’n sèvi’w ak andirans.

Wayòm ou nou preche, Bondye fidèl,

Nou aklame’l paske li etènèl.

3. Atansyon’w ban nou ranpli’n ak lajwa.

Adorasyon’w gaye sou tout tè a.

Wayòm ou an kouwone ak bonte,

Maladi, lanmò, chagren l’ap wete.

Pitit ou a pral detwi tout mechan,

Kreyasyon an pral louwe non’w toutan.

Ak lajwa n’ap chante pou’n di’w mèsi.

N’ap ba’w louwanj pou tan endefini.