“Jewova se Bèje mwen”

1. Jewova Dye se Bèje mwen,

Pouki pou’m pè, pou’m tranble?

Li toujou byen pran swen tout mouton’l,

Menm youn, li pap janm bliye.

Bò dlo trankil li mennen mwen,

Li rekonfòte nanm mwen.

Akoz gran non’l, li toujou gide’m

Pou’m mache nan bon chemen.

Akoz gran non’l, li toujou gide’m

Pou’m mache nan bon chemen.

2. Si m’ap mache nan wout fènwa

Mwen pap pè okenn malè,

Paske Bèje’m nan toujou byen pre,

Baton’l pwoteje’m aklè.

Tèt mwen, li rafrechi ak luil.

Wi, gode’m li byen ranpli.

Bonte’l mwen toujou benefisye,

Chak jou, m’ap ret lakay li.

Bonte’l mwen toujou benefisye,

Chak jou, m’ap ret lakay li.

3. Bèje’m nan saj, li plen lanmou!

Se li m’ap toujou louwe.

Afeksyon li genyen pou mouton’l,

Avèk jwa, m’ap anonse.

M’ap suiv Pawòl li fidèlman,

M’ap mache nan chemen li.

Sèvi Bondye se yon gwo trezò,

Chak jou, mwen vle ancheri.

Sèvi Bondye se yon gwo trezò,

Chak jou, mwen vle ancheri.