Prèv ki montre nou se vrè disip

1. Gen yon bèl lwa nou dwe obeyi,

Si nou vle suiv egzanp Jezi.

Se lwa lanmou Jezi Kris, ki wa,

Bay kretyen yo sou tout tè a.

Se gwo lanmou Kris te genyen an,

Ki te fè’l bay vi’l pou monn nan.

Li ban nou egzanp, nou suiv li deprè,

Nou pwouve sa sou tout latè.

2. Vrè lanmou an pa gendwa fayi,

Li ede moun ki vin febli.

Lanmou se yon dèt nou dwe peye.

Ann sèvi lòt moun san fòse.

Se sèl nan vrè kongregasyon an

N’ap jwenn bonjan zanmi vrèman.

Nou kapab fè yo konfyans, yo fidèl.

Wi, chemen lanmou esansyèl.