9^YÈM PATI

Ki lè Paradi a ap vini?

Pwoblèm ki gen sou tè a montre Wayòm Bondye a pa lwen pou l aji. Lik 21:10, 11; 2 Timote 3:1-5

Pwoblèm ki genyen nan dènye jou sa yo: jwèt aza, lagè, maladi, grangou, timoun dezobeyi paran ak vyolans nan fanmi.

Labib te anonse anpil bagay k ap rive jodi a. Li te di moun yo t ap renmen lajan, yo t ap dezobeyi paran yo, yo t ap sovaj, e yo t ap renmen plezi.

T ap gen gwo tranblemanntè, t ap gen lagè, t ap gen rate manje, e maladi t ap gaye. Bagay sa yo ap rive kounye la a.

Yon Temwen Jewova k ap preche yon mesye bon nouvèl Wayòm nan.

Epitou, Jezi te di yo t ap gen pou preche bon nouvèl konsènan Wayòm nan sou tout tè a. — Matye 24:14.

Wayòm nan pral elimine tout mechanste. 2 Pyè 3:13

Moun ki mechan yo pral detwi lè Amagedon, epi Satan ak demon l yo pral jwenn pinisyon.

Talè konsa Jewova ap detwi tout mechan.

Bondye ap pini Satan ak demon yo.

Jezi chita sou twòn li nan syèl la e moun tout ras ap rejwi.

Moun ki te koute Bondye yo ap chape pou yo viv nan yon monn nouvo k ap gen jistis, kote moun pap pè ankò, moun ap fè moun konfyans e youn ap renmen lòt.