Kantik 140
Lavi yon pyonye
Chak maten, douvanjou, solèy poko leve,
Dòmi nan je’n toujou,
N’ap pare’n pou’n ale, N’ap priye.
Ak lespwa, n’ap souri bay tout moun k’ap pase.
Gen nan yo ki vini,
Gen lòt ki pap tande, men’n rete.
(REFREN)
Se lavi sa’n chwazi,
Pou Jewova n’ap viv.
Tout sa’l mande, nou vle obeyi.
N’ap andire chak jou,
Bon tan kou move tan,
Se fason sa’ n’ap di’l toulejou: “Mwen renmen’w”
Lè jounen an fini, lè solèy la bese,
Nou santi nou ranpli,
Ak lajwa ak gete, N’ap priye.
Nou renmen sèvis la, ak tout kè’n n’ap travay.
Granmesi Jewova,
Se li menm ki ban’n fòs ak kouray.
(REFREN)
Se lavi sa’n chwazi,
Pou Jewova n’ap viv.
Tout sa’l mande, nou vle obeyi.
N’ap andire chak jou,
Bon tan kou move tan,
Se fason sa’ n’ap di’l toulejou: “Mwen renmen’w”
(Gade tou Joz. 24:15; Sòm 92:2; Wom. 14:8.)