Entwodiksyon pou seksyon 11

Seksyon sa a pale sou Liv ki te ekri an grèk yo. Jezi te fèt nan yon fanmi ki pa t gen gwo mwayen ki t ap viv nan yon ti vil. Li te konn travay ak papa l ki te yon bòs chapant. Se Jezi ki t ap gen pou l sove lèzòm. Jewova te chwazi l pou l vin Wa nan Wayòm syèl la. Si w se yon papa oswa yon manman, ede pitit ou byen konprann fason Jewova te pran tan pou l byen chwazi yon fanmi ki renmen l, kote moun ap viv ak kè kontan pou Jezi grandi. Gade ki jan Jewova te pwoteje Jezi pou Ewòd pa t touye l e jan anyen pa ka anpeche Jewova reyalize objektif li. Aprann ki jan Jewova te bay Jan responsablite pou l fè moun yo konnen Jezi t apral vini. Montre byen klè ki jan Jezi te pi renmen suiv lwa ak konsèy Jewova bay olye l te konte sou tèt li.