Soupe Seyè a

1. Jewova, Papa nou nan syèl la,

Nuit sa’ se li ki pi sakre!

Sa deja fè lontan, ou menm ki Toupisan,

Lanmou, jistis, ou te montre.

Mouton Pak la te bay pwoteksyon,

E pèp ou a te ret an vi.

Plizyè syèk apre sa, Kris bay vi’l isiba

Pou’l akonpli tout sa ou te di.

2. Pen an ak diven an fè’n sonje

Jan pri’w peye a chè anpil:

Yon sèl Pitit ou a,

ou ban nou’l, bon Papa.

Li te obeyi’w tout lavi’l.

Chak fwa’n selebre Memoryal sa’,

S’on fason pou’n pa janm bliye

Lanmò Pitit Gason’w lan

peye yon ranson,

Konsa, anba lanmò’n delivre.

3. Men nou la ansanm, o bon Papa,

Nou reponn envitasyon’w lan.

N’ap fè louwanj pou Kris ki

te fè sakrifis,

N’ap louwe’w pou lanmou’w ki gran.

Soupe Seyè a ba’w anpil glwa,

Li kalme kè’n ak lespri nou.

Konsa, chak jou n’ap viv, se Jezi Kris n’ap suiv

Pou’n jwenn vrè lavi a anretou.