FASON POU W KÒMANSE KONVÈSASYON
LESON 6
Montre w gen kran
Prensip: “Nou te mete kran sou nou grasa Bondye nou an, pou nou fè nou konnen bon nouvèl Bondye a.” — 1 Tes. 2:2.
Sa Jezi te fè
1. Gade VIDEYO a, oubyen li Lik 19:1-7. Epi reponn kesyon ki vin apre yo:
Poukisa kèk moun te ka evite Zache?
Ki sa k te pouse Jezi preche l bon nouvèl la kanmenm?
Ki sa nou aprann sou Jezi?
2. Nou bezwen gen kran pou n preche mesaj Wayòm Bondye a san patipri.
Imite Jezi
3. Konte sou Jewova. Lespri Bondye te bay Jezi fòs li te bezwen pou l preche, e lespri sa a kapab fè menm bagay la pou ou tou (Mat. 10:19, 20; Lik 4:18). Mande Jewova pou l ba w kran pou w preche moun ki ka fè w pè yo. — Tra.4:29.
4. Pinga w gen prejije sou moun yo. Nou ka renka pou n pale ak kèk moun akoz aparans yo, ran sosyal yo, nivo ekonomik yo, kwayans yo oswa fason yo viv. Men, sonje:
Jewova ak Jezi kapab li nan kè moun yo; nou menm nou pa ka fè sa.
Jewova ka fè nenpòt moun mizèrikòd.
5. Se pou w gen kran toutpandan w demontre respè pou moun yo epi w pridan. (Mat. 10:16) Evite fè diskisyon ak moun yo. Si yon moun pa vle koute bon nouvèl la oswa si w pa santi w an sekirite, avèk jantiyès, mete yon fen nan konvèsasyon w ap fè avè l la. — Pwo. 17:14.